Liam Payne, nakapag-post pa isang oras bago ang nakagugulat na pagpanaw-Balita

Nakapagbahagi pa raw ng video clip at photo sa social media ang "One Direction" member na si Liam Payne, isang oras bago ang balita ng kaniyang malagim na pagpanaw nitong Huwebes, Oktubre 17 (oras at petsa sa Pilipinas).

MAKI-BALITA: Liam Payne, pumanaw na

Ayon sa ulat ng international media outlets, lumagapak sa ground floor ang katawan ng singer matapos umano itong mahulog mula sa ikatlong palapag ng hotel na kaniyang tinutuluyan sa Argentina.

Saad pa ng Associated Press (AP), sinabi ng isang nagngangalang Pablo Policicchio, communications director ng Buenos Aires Security Ministry, na "tumalon si Payne sa balcony ng kaniyang kuwarto."

Sumugod daw ang mga pulis sa hotel bilang tugon sa isang emergency call, aniya, may babala raw tungkol sa "aggressive man who could be under the influence of drugs or alcohol.”

Bukod dito, nakakuha umano ang AP ng kopya ng 911 call ng hotel manager na nagsasabing "a guest who overwhelmed with drugs and alcohol... He’s destroying the entire room and, well, we need you to send someone, please.”

Naging mas balisa raw ang boses ng manager habang nagpapatuloy ang tawag, at sinabi ring may balkonahe ang kuwarto.

Sinasabing nasa impluwensya raw ng drugs si Payne nang mangyari ang insidente.

MAKI-BALITA: Liam Payne, nasa ilalim umano ng impluwensya ng illegal drugs bago raw pumanaw?

Usap-usapan din ang pagbabahagi niya ng video nila ng kaniyang partner na si Kate Cassidy sa Snapchat Story, isang oras bago ang balita ng kaniyang pagkamatay.

"Lovely day in Argentina," inilagay na caption ni Payne sa video habang makikitang nasa hapag-kainan si Kate at kumakain.

Sa isa pang post na isang larawan, makikita ang caption na "Happy got some time away."

Hindi naman tiyak kung kailan kinuhanan ang nabanggit na mga video o larawan; kung mismong sa araw na iyon, o matagal na't nitong Miyerkules lamang ng gabi inupload.

Si Kate daw ay hindi na kasama ng singer nang mga sandaling iyon dahil nauna na itong magtungo sa Buenas Aires.

Samantala, iniimbestigahan pa raw ng mga awtoridad ang tunay na dahilan sa pagkamatay ng singer.

Bumuhos naman ang pagluluksa at pakikiramay ng celebrities at fans para kay Liam.

MAKI-BALITA: Matapos ang biglaang pagpanaw: fans ni Liam Payne, bumuhos pagluluksa

MAKI-BALITA: Charlie Puth sa biglaang pagkamatay ni Liam Payne: 'I'm so upset right now!'

OVP, gumastos umano ng ₱16M sa loob ng 11 araw noong 2022

Ikinagulat ng mga miyembro ng Kamara ang umano'y paggastos ng Office of the Vice President (OVP), na pinamumunuan ni Vice President Sara Duterte, ng ₱16 milyon sa loob lamang ng 11 araw noong last quarter ng 2022.Ang naturang halaga ay galing umano sa confidential and intelligence funds (CIFs) ng OVP at ginamit sa pagrenta ng 34 na safehouses sa loob lamang ng 11 araw.Napag-alaman ito...

Lacuna: Konstruksiyon ng Vitas campus ng UDM, target matapos sa 2026

Asahan na sa pagsapit ng taong 2026 ay magiging mas madali na ang access sa college education ng mga kabataan sa Tondo.Ito'y dahil sa pagsisimula na ng konstruksiyon ng Vitas Campus ng Universidad de Manila, na pinondohan ng Kongreso ng P400 milyon.Ang groundbreaking ng bagong 1,500 square meter UdM campus sa Vitas, Tondo ay idinaos nitong Huwebes, Oktubre 17, at pinangunahan ng project...

Senate investigation sa drug war, ‘di dapat pangunahan nina Bato, Go – SP Chiz

Naniniwala si Senate President Chiz Escudero na mas maganda umano kung hindi pangungunahan nina Senador Bato dela Rosa at Senador Bong Go ang komite sa Senado na mag-iimbestiga sa madugong giyera kontra droga ng administrasyon ni dating Pangulong Rodrigo Duterte.Sa isang panayam nitong Huwebes, Oktubre 17, iginiit ni Escudero na nakausap na niya si Dela Rosa hinggil sa posibleng isasagawang...