Inamin ni actress-singer Vina Morales na hiwalay na raw siya sa non-showbiz boyfriend niyang Andrew Kovalcin.
Sa ulat ng Philippine Entertainment Portal (PEP) nitong Martes, Oktubre 15, kinumpirma raw ni Vina ang nasabing balita nang kapanayamin siya ng ABS-CBN News.
"Wala na kami. I'm back to being single, ready to mingle," saad ni Vina.
Sa kasalukuyan, hindi na raw muna iniisip ni Vina ang lovelife. Ayaw na rin daw niyang pilitin pang magkaroon nito.
6th anniversary post ni Archie Alemania sa misis niya, binalikan ng netizens
"Hindi ko na masyado pinu-push yun sa buhay ko [‘yong lovelife]. Hindi na siya priority, kasi before nalulungkot ako ‘pag wala akong lovelife,” aniya.
Dagdag pa niya: "Pero ngayon, e, may dumarating, nawawala. So, ibig sabihin, wala pa rin talaga. So, hindi ko na pinipilit."
Hind na nagbigay pa ng ibang detalye si Vina kung ano ang naging ugat ng hiwalayan nila ni Andrew.
Matatandaang Nobyembre 2023 nang magsimulang lumutang ang bali-balitang nagde-date ang dalawa matapos ibahagi ni Vina sa kaniyang Instgram ang video nila ni Andrew sa isang park sa Washington D.C.
