Juan Karlos, inaalay ang tagumpay sa kaniyang lola-Balita

Binigyang-pugay ng Kapamilya singer-actor na si JK Labajo o "Juan Karlos" ang kaniyang lola na siyang nagpalaki at sumuporta sa kaniya mula noon hanggang ngayon.

Si Juan Karlos, ang nasa likod ng hit songs na "Buwan" at "Ere."

Nakatakda na kasi sa Nobyembre 29 ang major solo concert ng OPM star, na gaganapin sa SM Mall of Asia Arena.

Sa isang presscon ng “Juan Karlos Live” nitong Martes, Oktubre 15, sa Sentro Artista Art Hub sa The Arton Strip by Rockwell sa Project 4, Quezon City, ipinahayag ni Juan Karlos ang kaniyang taos-pusong pasasalamat sa kaniyang lola, na aniya'y naging matatag na haligi ng kaniyang buhay at karera. Pinasalamatan niya rin ang producer ng kaniyang concert na si Sylvia Sanchez.

“She would push me to do all of these things that she thought would be best for me. My Lola is really that one constant in my life,” aniya.

Labis din ang kasiyahan ng kaniyang lola nang malamang magkakaroon na siya ng concert.

“She was really happy when she found out and then she started doing her TikTok dance. After that, nanghingi ng maraming tickets kasi marami siyang gustong bigyan. She’s always there, especially online. Siya lagi ang nakikipag-usap sa supporters. Masaya si Lola. Super saya niya,” dagdag pa niya.

Ayon sa ulat ng ABS-CBN News, ang nasabing concert ay nasa ilalim ng direksyon ni Paolo Valenciano habang ang musical director naman ay si Karel Honasan.

Magiging sentro daw ng palabas ang kaniyang paglalakbay bilang isang musician, kung saan itatampok ang mga kantang isinulat niya sa loob ng maraming taon.

“It’s really focused more on me being a musician,” aniya.

Nabanggit din ng singer-actor ang na mahalagang napapalibutan ang isang tao ng mga positibong kapwa at pagpili na tumuon sa mabubuting bagay sa buhay.

“We have that choice of redirecting our focus to the positive side... It’s the little acts of kindness that you do, that you can do for free,” aniya pa.

Ang "Juan Karlos LIVE" ay isang produksyon ng Nathan Studios, sa pakikipagtulungan ng Universal Music Group Philippines, at ang mga tiket ay mabibili sa lahat ng SM Tickets outlets.

Mariah Ang

Asawa ng mastermind sa pagpatay sa mag-asawang online seller, nagpadala raw ng lechon bago ang krimen?

Bukod umano sa pagdalaw sa burol ng pinatay na mag-asawang online seller, nagpadala raw muna ng lechon belly ang umano'y asawa ng mastermind, ayon umano sa kapatid ng biktima.Sa Facebook post ni Leslie Lulu Manabat nitong Miyerkules, Oktubre 16, ibinahagi niya na hindi raw niya kinaya ang pagpunta umano ng asawa ng umano'y mastermind sa burol ng mga biktimang sina Arvin at Lerma Lulu,...

Mastermind sa pagpatay sa mag-asawang online seller, kumpare raw ng mga biktima

Arestado na ang umano'y mastermind sa pagpatay mag-asawang online seller sa Pampanga at lumalabas na kumpare pa siya 'di umano ng mga biktima. Matatandaang noong Oktubre 4 nang tambangan ng riding-in-tandem sa Mexico, Pampanga ang sasakyan ng mag-asawang sina Arvin at Lerma Lulu.Kasama nila ang anim na taong gulang nilang anak at isang kamag-anak nang mangyari ang insidente.Ayon sa...

Pag-imbestiga ng Senado sa drug war ni ex-Pres. Duterte, magandang ideya – Pimentel

Ipinahayag ni Senador Koko Pimentel na isang “magandang ideya” na imbestigahan din ng Senado ang madugong giyera kontra ng adminitrasyon ni dating Pangulong Rodrigo Duterte.Sa isang text message nitong Martes, Oktubre 15, na inulat ng Manila Bulletin, sinabi ni Pimentel na bagama’t “optional” lamang, isang magandang ideya umano kung magkakaroon ng parallel investigation ang Senado sa war...