Number #4 trending sa YouTube as of this writing ang bagong vlog ni Viy Cortez tampok ang kaibigan at kapwa vlogger na si Zeinab Harake.
Anim na taon na palang magkaibigan sina Viy at Zeinab, kaya naman umikot ang kanilang pag-uusap patungkol sa usapang past, nightlife, at motherhood.
Siyempre, hindi rin mawawala ang tungkol sa lovelife ng isa't isa.
Napuri ni Viy ang kakaibang glow ngayon ni Zeinab. Matagal na raw namang maganda si Zeinab pero mas iba raw ang ganda niya ngayon.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
"Mas iba 'yong pagka-blooming niya ngayon, iba talaga kapag minamahal nang tama, naaalagaan nang tama," ani Viy.
"Yes," singit at pagsang-ayon naman ni Zeinab. "Yes, saka 'yong dilig na tama. Charing!"
Natawa si Zeinag at nag-apir sila ni Viy na masaya na rin sa mister na si Cong TV.
"'Pag 'di ka nadiligan para kang halaman na lanta eh," ani Viy. "Para kang bulaklak na nagbukas."
"Tama... mismo..." pagsang-ayon naman ni Zeinab.
At aliw rin ang tsikahan ng dalawa nang tanungin ni Viy kung ginagawa na raw ba niya kay Bobby Ray Parks, Jr. ang dating ayaw niyang gawin.
Pilyang sagot ni Zeinab, "Ginagawa ko na!"
Hindi naman tinukoy ng dalawa kung ano nga ba iyon. Kaniya-kaniyang hula na lang daw!
Engaged couple na sina Zeinab at Bobby Ray, na kamakailan lamang, ay naging usap-usapan matapos "luhuran" ng social media personality ang kaniyang fiance na basketball player, para siya naman ang humingi ng kamay sa mapapangasawa.
MAKI-BALITA: Zeinab niluhuran si Ray Parks sa Japan
MAKI-BALITA: Kasalang Zeinab-Ray Parks, next year na!
Ibinida rin ni Zeinab ang pag-spoil sa kaniya ni Bobby Ray nang aprubahan nito ang pagbili nila ng bagong sasakyan.
MAKI-BALITA: 'Sarap may ka-50/50!' Ray Parks kunsintidor na jowa kay Zeinab
Bago si Bobby Ray ay naging kontrobersiyal ang relasyon ni Zeinab sa dating karelasyong singer-rapper na si Daryl Ruiz o mas kilala bilang "Skusta Clee."
