Masaya raw si Jay Manalo sa pagkikita ng half-brother niyang si Julius at ang Koreanang ina nito matapos ang 31 taon.
Ayon sa panayam ng PEP, nagpasalamat si Jay sa pagkakataong muling magkasama ang kaniyang kapatid na si Julius at ang ina nito. "I am very happy na nagkita na rin sila ng nanay niya," ani Jay.
Itinuturing ni Jay na ang pagkikita ng mag-ina ay isang inspirasyon hindi lamang sa kanilang pamilya kundi pati na rin sa mga tao na may kahalintulad na karanasan.
Ibinahagi niya na noong 1995, nakasama rin niya ang kaniyang ina na isang Vietnamese, matapos ang ilang taon din ng pagkakahiwalay.
Maris, namundok matapos maeskandalo kay Anthony
Ayon kay Jay, napaluha siya sa kanilang pagkikita, isang emosyonal na karanasan na nagpapatunay ng kahalagahan ng muling pagsasama ng pamilya.
Samantala, sa panayam ni Toni Gonzaga kamakailan kay Julius Manalo, ibinahagi nito ang tulong na natanggap mula sa kaniyang Kuya Jay, na nagsilbing malaking suporta sa kaniya, at siya rin ang dahilan kung bakit tumigil siya sa paglalako ng mga basahan sa lansangan.
Ayon kay Julius, ito ang unang pagkakataon na natulungan siya ni Jay na makapaghanap ng trabaho.
Isang mahalagang pagkakataon ang dumating nang mapagamit siya ni Jay ng computer na may internet, at doon niya sinimulan ang paghahanap sa kaniyang ina.
Si Jay, sa kabila ng lahat ng mga paghihirap at sakripisyo, ay patuloy na nagpapakita ng malasakit sa kaniyang pamilya, at nararamdaman niyang ang bawat matagumpay na pagkikitang muli ay isang biyaya na dapat ipagpasalamat.
Mariah Ang
