Asawa ni Harry Roque, nakaalis na ng bansa noon pang Setyembre – BI

By Mary Joy Salcedo

October 15, 2024

In BALITA National

Kinumpirma ng Bureau of Immigration (BI) na nakaalis na ng Pilipinas ang asawa ni dating Presidential Spokesperson Harry Roque na si Mylah Roque noon pang buwan ng Setyembre.

Ayon sa BI nitong Martes, Oktubre 15, nakalabas ng bansa si Mylah noong Setyembre 3, 2024.

Matatandaang Oktubre 11, 2024 nang mag-isyu ang House Quad Committee ng arrest order laban kay Mylah dahil sa tatlong beses nitong hindi pagdalo sa pagdinig ng komite hinggil sa extrajudicial killings (EJKs), ilegal na droga, at Philippine Offshore Gaming Operators (POGO).

MAKI-BALITA: Asawa ni Harry Roque, pinaaaresto na rin ng Kamara

Samantala, maging si Harry ay pinaghahanap din ng mga awtoridad matapos siyang hainan ng Kamara ng arrest order noong Setyembre 12, 2024.

Pina-cite in contempt ng House quad committee si Harry matapos ding hindi sumipot sa pagdinig at dahil sa kabiguan daw niyang magsumite ng mga hinihinging dokumento sa Komite, tulad ng Statement of Assets, Liabilities, and Net Worth (SALN).

MAKI-BALITA: Roque, ipina-cite in contempt dahil hindi isinumite ang SALN at iba pang dokumento sa House QuadCom

Sa isa namang video message noong Setyembre 16 ay iginiit ni Harry na mahalaga raw ang kaniyang “kalayaan” kaya’t hindi na niya ito isusuko muli.

MAKI-BALITA: Harry Roque, 'di raw paaaresto: 'Hindi ko po isu-surrender muli ang aking kalayaan'

Pag-imbestiga ng Senado sa drug war ni ex-Pres. Duterte, magandang ideya – Pimentel

Ipinahayag ni Senador Koko Pimentel na isang “magandang ideya” na imbestigahan din ng Senado ang madugong giyera kontra ng adminitrasyon ni dating Pangulong Rodrigo Duterte.Sa isang text message nitong Martes, Oktubre 15, na inulat ng Manila Bulletin, sinabi ni Pimentel na bagama’t “optional” lamang, isang magandang ideya umano kung magkakaroon ng parallel investigation ang Senado sa war...

Bilang ng mga pro-Marcos, tumaas; bumaba naman ang mga pro-Duterte – OCTA

Tumaas umano ang bilang ng mga Pilipinong itinuturing ang mga sarili bilang “pro-Marcos” habang bumaba naman ang mga Pinoy na “pro-Duterte,” ayon sa survey ng OCTA Research.Base sa Tugon ng Masa third quarter survey ng OCTA na inilabas nitong Lunes, Oktubre 14, 38% ng mga Pilipino ang sumusuporta sa administrasyon ni Pangulong Ferdinand “Bongbong” Marcos Jr. Mas mataas ito ng dalawang...

Billboard ni Benhur Abalos, pinuna ni Clarita Carlos

Pinuna ni dating national security adviser Clarita Carlos ang billboard ni dating Department of the Interior and Local Government (DILG) Secretary Benhur Abalos na tatakbo sa pagkasenador sa 2025 midterm elections.Sa isang Facebook post nitong Martes, Oktubre 15, inilakip ni Carlos ang isang larawan ng billboard ni Abalos kung saan mababasa ang “KALABAN NG KRIMINAL, BENHUR ABALOS.”“To my...