Nagbigay ng tugon ang negosyante at content creator na si Viy Cortez kaugnay sa posibleng pagkandidato umano ng mister niyang si Lincoln Cortez Velasquez o mas kilala bilang “Cong TV.”
Sa isang Facebook post kasi ni Viy nitong Biyernes, Oktubre 12, isang netizen ang nag-komento na tila pinapaalalahan ang mister niya na huwag umanong maghain ng certificate of candidacy (COC).
“‘Wag ka file COC ha,” saad ng netizen.
Tugon naman ni Viy: “si cong? Malabo hahahahahaha president nga ng homeowners dto sa village namin ayaw nya hahahahahaha.”
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
May ibang netizens namang nakisali sa thread na ito ng comment section. Narito ang ilan sa kanilang mga hanash:
"Pag tumakbo sya na Congressman. Magiging tawag sa kanya CONG. Cong. Ang hirap. "
"congre cong"
"Malabo, lalo kung aware ka na closed na ang filing bago mo yan i-comment."
Matatandaang bukod sa mga artista ay may mga content creator at vlogger din tulad nina Rosmar Tan, Diwata, Eli San Fernando, at iba pa na naghain ng kanilang kandidatura sa filing ng COC na nag-umpisa noong Oktubre 1 hanggang Oktubre 8.
MAKI-BALITA: PASABOG! Mga personalidad na papasukin na rin ang politika
