Willie, makikipag-away din daw sa senado: 'Para sa mahihirap!'

By Ralph Mendoza

October 09, 2024

In BALITA Eleksyon

Tila handa rin umanong makisali ang ‘Wil To Win” host na si Wiliie Revillame sa gitna ng nangyayaring bangayan sa senado.

Sa primetime newscast na “The Big Story” nitong Martes, Oktubre 8, sinabi ni Willie na naawa raw siya sa mga Pilipino nang makita ang tila walang katapusang away ng mga nasa senado at kongreso.

“No’ng nakita ko ‘yong awayan nang awayan sa congress, awayan nang awayan sa senado, sabi ko, ‘kawawa ang mga Pilipino,’” lahad ni Willie.

“Ito ‘yong mga taong ibinoto, ito ‘yong mga taong pinagkakatiwalaan pero nakakalimutan ‘yong mga kawawang kababayan natin,” aniya.

Dagdag pa ng TV host: “I thought baka makatulong ako kahit papaano. Siguro makikipag-away ako sa senado kahit kanino para sa mahihiirap.”

Matatandaang sa panayam nina Gretchen kay Willie noong Hulyo sa no-holds barred conversation na “Seryosong Usapan” kasama sina Ed Lingao, Patrick Paez at Lourd De Veyra ng TV 5, inamin nito na nawawalan na raw siya ng ganang pumasok pa sa politika dahil sa kawalan ng pagkakaisa ng mga public official.

MAKI-BALITA: Willie, nawalan ng amor pumasok sa politika dahil parang walang unity

Pero sa huling araw ng certificate of candidacy (COC) ng Commission on Elections (Comelec) nito ring Martes, Oktubre 8, naghain ng kandidatura si Willie sa pagkasenador sa The Manila Hotel Tent City.

MAKI-BALITA: Willie nag-file ng COC, ibinunyag nag-udyok para tumakbong senador

Abalos, tiwala sa kakayahan ni bagong DILG Sec. Jonvic Remulla

Tiwala si dating DILG Secretary Benhur Abalos sa kakayahan ni bagong DILG Secretary Jonvic Remulla na kaya nitong magampanan ang tungkulin sa ahensya.Nitong Martes, Oktubre 8, pinangunahan ni Pangulong Bongbong Marcos, Jr. ang panunumpa ni Remulla bilang bagong kalihim ng Department of the Interior and Local Government (DILG).Papalitan ni Remulla si Abalos, na kakandidatong senador sa darating...

Hontiveros sa pagkandidato ni Quiboloy: 'Magkaroon naman kayo ng kaunting hiya'

Pinatutsadahan ni Senador Risa Hontiveros si Pastor Apollo Quiboloy matapos itong maghain ng certificate of candidacy (COC) sa pagkasenador sa kabila umano ng mga patong-patong na kaso laban sa pastor. Matatatandaang naghain ng COC si Quiboloy sa pamamagitan ng kaniyang abogadong si Atty. Mark Tolentino nitong Martes, Oktubre 8.Ayon kay Tolentino, tatakbo umano si Quiboloy dahil sa “Diyos at...

Willie kaya nagbago-isip sa pagkandidato: 'Kawawa mga Pilipino!'

Inurirat ni TV personality Gretchen Ho ang “Wil To Win” host na si Willie Revillame kaugnay sa pagbabago nito ng desisyon sa pagpasok sa politika. Sa panayam kasi nina Gretchen kay Willie noong Hulyo sa no-holds barred conversation na “Seryosong Usapan” kasama sina Ed Lingao, Patrick Paez at Lourd De Veyra ng TV 5, inamin ni Willie na nawawalan na raw siya ng ganang pumasok pa sa...