Willie kaya nagbago-isip sa pagkandidato: 'Kawawa mga Pilipino!'

By Ralph Mendoza

October 09, 2024

In BALITA Eleksyon

Inurirat ni TV personality Gretchen Ho ang “Wil To Win” host na si Willie Revillame kaugnay sa pagbabago nito ng desisyon sa pagpasok sa politika.

Sa panayam kasi nina Gretchen kay Willie noong Hulyo sa no-holds barred conversation na “Seryosong Usapan” kasama sina Ed Lingao, Patrick Paez at Lourd De Veyra ng TV 5, inamin ni Willie na nawawalan na raw siya ng ganang pumasok pa sa politika dahil sa kawalan ng pagkakaisa ng mga public official.

MAKI-BALITA: Willie, nawalan ng amor pumasok sa politika dahil parang walang unity

Kaya ngayon, ang tanong ni Gretchen nang sumalang si Willie sa primetime newscast na “The Big Story” nitong Martes, Oktubre 8: “Ano pong nangyari? [....] What changed your mind?”

“Kasi doon sa studio ng ‘Wil To Win’ it’s only 600 people everyday,” paliwanag ni Willie. “So…hindi mo natutulungan ‘yong 600 na ‘yon. So, ‘yong budget mo sa tulong limited.”

“And then no’ng nakita ko ‘yong awayan nang awayan sa congress, awayan nang awayan sa senado, sabi ko, ‘kawawa ang mga Pilipino,’” wika niya.

Dagdag pa niya: “Ito ‘yong mga taong ibinoto, ito ‘yong mga taong pinagkakatiwalaan pero nakakalimutan ‘yong mga kawawang kababayan natin.”

Kaya naman naisip niya na baka raw makatulong siya sa mga Pilipino kahit papaano.

Matatandaang humabol si Willie ng kandidatura sa pagkasenador para sa 2025 midterm elections sa huling araw ng paghahain ng certificate of candidacy (COC) sa The Manila Hotel Tent City nito ring Martes, Oktubre 8.

MAKI-BALITA: Willie nag-file ng COC, ibinunyag nag-udyok para tumakbong senador

Abalos, tiwala sa kakayahan ni bagong DILG Sec. Jonvic Remulla

Tiwala si dating DILG Secretary Benhur Abalos sa kakayahan ni bagong DILG Secretary Jonvic Remulla na kaya nitong magampanan ang tungkulin sa ahensya.Nitong Martes, Oktubre 8, pinangunahan ni Pangulong Bongbong Marcos, Jr. ang panunumpa ni Remulla bilang bagong kalihim ng Department of the Interior and Local Government (DILG).Papalitan ni Remulla si Abalos, na kakandidatong senador sa darating...

Willie, makikipag-away din daw sa senado: 'Para sa mahihirap!'

Tila handa rin umanong makisali ang ‘Wil To Win” host na si Wiliie Revillame sa gitna ng nangyayaring bangayan sa senado.Sa primetime newscast na “The Big Story” nitong Martes, Oktubre 8, sinabi ni Willie na naawa raw siya sa mga Pilipino nang makita ang tila walang katapusang away ng mga nasa senado at kongreso.“No’ng nakita ko ‘yong awayan nang awayan sa congress, awayan nang...

Hontiveros sa pagkandidato ni Quiboloy: 'Magkaroon naman kayo ng kaunting hiya'

Pinatutsadahan ni Senador Risa Hontiveros si Pastor Apollo Quiboloy matapos itong maghain ng certificate of candidacy (COC) sa pagkasenador sa kabila umano ng mga patong-patong na kaso laban sa pastor. Matatatandaang naghain ng COC si Quiboloy sa pamamagitan ng kaniyang abogadong si Atty. Mark Tolentino nitong Martes, Oktubre 8.Ayon kay Tolentino, tatakbo umano si Quiboloy dahil sa “Diyos at...