Nagpahayag umano ng interes ang social media personality, negosyante, at aspiring councilor ng Maynila na si Rosmar Tan-Pamulaklakin na papasukin sa kaniyang "R Mansion House" ang latest evicted housemate ng reality show na "Pinoy Big Brother Gen 11" na si Binsoy Namoca.
Ang R Mansion House ni Rosmar ay inspired sa PBB House kung saan naglalaban-laban ang mga "official endorsers" para sa premyong 500,000 piso.
Para kay Rosmar, deserving si Binsoy na mapabilang sa Big 4. Kung papasukin din ni Binsoy ang showbiz, handa raw si Rosmar tumayong manager nito.
Nagpadala na raw siya ng private message sa social media account ni Binsoy at hinihintay na lamang ang pagsagot nito.
'Back to you mamang!' Chloe, rumesbak kay Ai Ai matapos hiwalayan ni Gerald?
"Nakikita ko guys na super deserving talaga siya. Pero patunay lang 'yan na kapag wala kang pera, wala ka, kahit anong galing mo. Doon ako nalungkot. Deserve niya maging Big 4," saad pa ni Rosmar.
Habang isinusulat ang artikulong ito ay wala pang updates si Rosmar kung pumayag na ba si Binsoy.
