Sana all Zia!
Naispatan ang 8-anyos na unica hija nina Kapuso Primetime King and Queen Dingdong Dantes at Marian Rivera na si Letizia “Zia” Dantes sa GUTS world tour ni Fil-Am singer Olivia Rodrigo nitong Sabado, Oktubre 5, 2024 sa Philippine Arena sa Bocaue, Bulacan.
“Kung saan ka masaya, Anak, nandito lang kami para suportahan ka! We love you!” ito ang saad ni Marian sa caption ng isang Instagram reels na ibinahagi niya rin nitong Sabado.
Mapapanood sa naturang reels na tila tumatalon pa si Zia habang kumakaway kay Olivia.
Chelsea Manalo, suportado ni Tyra Banks: 'Get it, girl!'
Pinasalamatan din ni Marian si Olivia matapos umano nito pasayahin si Zia.“We love you! @oliviarodrigo Salamat pinasaya mo si Ate Zia,” dagdag pa ni Marian sa caption.
Sa reels pa rin na ibinahagi ng aktres, animo’y kinawayan ni Olivia mula sa designated seat nila si Zia. Tila bahagya ring na-speechless si Zia sa gesture na ito ng singer.
Kate Garcia
