Magkasamang naghain ng Certificate of Candidacy (COC) sa pagka-senador sina dating Senate President Vincent "Tito" Sotto at dating Senador Panfilo "Ping" Lacson ngayong Miyerkules, Oktubre 2, sa The Manila Hotel Tent City.
Si Sotto ay tatakbo sa ilalim Nationalist People's Coalition (NPC) habang si Lacson naman ay guest candidate ng NPC.
Matatandaang naging magka-tandem ang dalawang politiko noong 2022 national elections--Si Lacson ay tumakbong presidente habang si Sotto naman ang kaniyang bise presidente.
Kamakailan lamang, kasama si Lacson sa line-up ng senatorial candidates na ineendorso ng administrasyon ni Pangulong Bongbong Marcos, Jr. para sa 2025.
George Garcia sa eleksyon sa Pilipinas: 'Walang natatalo, lahat nadadaya'
BASAHIN: PBBM, ipinakilala mga kaalyansang senatorial candidates para sa 'Bagong Pilipinas'
Samantala, kasama rin nina Sotto at Lacson si reelectionist Senador Lito Lapid sa paghahain ng COC ngayong araw.
