Hindi lang daw pala si Star for All Seasons Vilma Santos-Recto ang tatakbo sa darating na midterm elections ayon kay showbiz columnist Cristy Fermin.
Sa latest episode ng “Cristy Ferminute” nitong Lunes, Setyembre 30, sinabi ni Cristy na kasama rin ni Vilma sa pagkandidato ang dalawa pa niyang anak na sina Luis Manzano at Ryan Christian Recto.
“Ang Star fo All Seasons Vilma Santos tatakbong gobernador [ng Batangas]. Si Luis Manzano ang kaniyang katambal bilang vice-governor at si Ryan Christian ang tatakbong kinatawan sa 6th district,” saad ni Cristy.
Nakakatuwa kasi ‘yong mag-iina isipin mo na lang ‘to ‘pag nangampanya,” wika naman ng co-host niyang si Romel Chika. “Makikita mo paano magmahalan; ‘yong samahan ng mag-iina ang makikita mo rito; ‘yong pamilya na makikita mo na gusto magsilbi sa kanilang constituents.”
Pagpapaliban ni PBBM na lagdaan ang 2025 nat'l budget, nirerespeto ng ilang mambabatas
Sa kasalukuyan, bagama’t matagal nang umuugong ang tungkol dito, wala pang inilalabas na pahayag ang mag-iina upang kumpirmahin o pabulaanan ang nasabing tsika.
