'Julian,' nakalagpas na malapit sa Sabtang Island, Batanes -- PAGASA

By Mary Joy Salcedo

September 30, 2024

In BALITA National

Nakalagpas na ang bagyong Julian malapit sa Sabtang Island sa Batanes, ayon sa Philippine Atmospheric, Geophysical and Astronomical Services Administration (PAGASA) dakong 11:00 ng umaga nitong Lunes, Setyembre 30.

Sa tala ng PAGASA kaninang 11:00 ng umaga, huling namataan ang sentro ng Typhoon Julian sa coastal waters ng Sabtang Island, Batanes.

Taglay nito ang lakas ng hanging aabot sa 175 kilometers per hour at pagbugsong aabot sa 240 kilometers per hour.

Kumikilos ito pa-north northwest sa bilis na 10 kilometers per hour.

Dahil dito, nakataas na ang Tropical Wind Signal Number sa mga sumusunod na lugar sa Luzon:

Signal No. 4:

Batanes

Northern portion ng Babuyan Islands (Babuyan Is., Calayan Is.)

Signal No. 3:

Mga natitirang bahagi ng Babuyan Islands

Northeastern portion ng mainland Cagayan (Santa Ana)

Signal No. 2:

Mga natitirang bahagi ng mainland Cagayan

Apayao

Abra

Kalinga

Ilocos Norte

Northern at central portions ng Ilocos Sur (Sinait, Cabugao)

Signal No. 1:

Mga natitirang bahagi ng Ilocos Sur

La Union

Pangasinan

Ifugao

Mountain Province

Benguet

Isabela

Nueva Vizcaya

Quirino

Aurora

Northern at eastern portions ng Nueva Ecija (Cuyapo, Rizal, Laur, Pantabangan, Science City of Muñoz, Gabaldon, Carranglan, San Jose City, Lupao, Talugtug, Bongabon, Llanera, Talavera, Palayan City, General Mamerto Natividad)

Polillo Islands

Base sa forecast track ng PAGASA, inaasahang kikilos ang bagyo pa-west northwest sa Bashi Channel ngayong Lunes at magsisimulang mag-recurve bukas ng Martes, Oktubre 1.

Patuloy rin daw na lalakas ang bagyo at inaasahang itataas sa “super typhoon” category ngayong tanghali o gabi.

PBBM, may napipisil nang kapalit ni Abalos bilang kalihim ng DILG

Ipinahayag ni Pangulong Ferdinand “Bongbong” Marcos Jr. na may napipisil na siyang kapalit ni senatorial aspirant Benhur Abalos bilang kalihim ng Department of the Interior and Local Government (DILG).Sa panayam ng mga mamamahayag nitong Lunes, Setyembre 30, sinabi ni Marcos dalawa ang nasa “shortlist” niya ng posibleng pumalit kay Abalos sa DILG.Nang tanungin naman ang pangulo hinggil sa...

Sylvia Sanchez, sasabak na nga rin ba sa politika?

Isa rin umano sa mga umuugong na bulung-bulungan ang tungkol sa batikang aktres na si Sylvia Sanchez na hinihikayat umanong sumabak sa politika.Sa latest episode ng “Showbiz Updates” nitong Linggo, Setyembre 29, inispluk ni showbiz insider Ogie Diaz kung saang posisyon umano hinihikayat si Sylvia na kumandidato.“Si Sylvia Sanchez ay hinihimok na pumasok naman bilang konsehal sa 1st district...

'Julian,' napanatili ang lakas; Batanes, Signal No. 4 pa rin

Nakataas pa rin sa Signal No. 4 ang lalawigan ng Batanes dahil sa bagyong Julian na napanatili ang lakas, ayon sa Philippine Atmospheric, Geophysical and Astronomical Services Administration (PAGASA) dakong 2:00 ng hapon nitong Lunes, Setyembre 30.Sa tala ng PAGASA, huling namataan ang sentro ng Typhoon Julian sa coastal waters ng Sabtang Island, Batanes.Taglay nito ang lakas ng hanging aabot sa...