Napanatili ng Typhoon Julian ang lakas nito habang kumikilos pa-northwest sa Philippine Sea sa silangan ng Cagayan, ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Linggo, Setyembre 29.
Sa tala ng PAGASA, huling namataan ang sentro ng bagyong Julian 235 kilometro ang layo sa silangan ng Calayan, Cagayan.
Taglay nito ang lakas ng hanging aabot sa 120 kilometers per hour malapit sa sentro, at pagbugsong aabot sa 150 kilometers per hour.
Kumikilos ito pa-northwest sa bilis na 15 kilometers per hour.
Dr. Edsel Salvana, nakatanggap ng 'Innovation Excellence Award for Research' mula sa PhilDev
Dahil dito, itinaas na sa Signal No. 3 ang Batanes at northeastern portion ng Babuyan Islands (Babuyan Is.).
Nakataas din sa Signal No. 2 ang mga sumusunod na lugar:
Mainland Cagayan
Mga natitirang bahagi ng Babuyan Islands (Camiguin Is., Calayan Is., Dalupiri Is., Fuga Is.)
Apayao
Northern at central portions ng Ilocos Norte (Pagudpud, Adams, Dumalneg, Bangui, Burgos, Pasuquin, Vintar, Carasi, Nueva Era, Solsona, Piddig, Dingras, Sarrat, San Nicolas, Laoag City, Bacarra)
Nasa Signal No. 1 naman ang mga sumusunod na lugar:
Mga natitirang bahagi ng Ilocos Norte
Ilocos Sur
La Union
Abra
Kalinga
Ifugao
Mountain Province
Benguet
Isabela
Nueva Vizcaya
Quirino
Northern at central portions ng Aurora (Dilasag, Casiguran, Dinalungan, Dipaculao)
Base sa forecast track ng PAGASA, inaasahang patuloy na lalakas ang bagyo sa susunod na 24 hanggang 36 oras habang kikilos ito patungong Batanes o Babuyan Islands.
Kaugnay nito, hindi rin inaalis ng weather bureau ang posibilidad na umabot sa “super typhoon” category ang bagyo.
