Hindi nakalampas sa mga marites ang lumutang na video nina “Incognito” stars Anthony Jennings at Maris Racal kung saan makikita silang magkasama.
Sa latest episode ng “Showbiz Updates” nitong Biyernes, Setyembre 27, pinag-usapan nina showbiz insider Ogie Diaz, Mama Loi, at Dyosa Pockoh ang dalawang artista.
“Was it coincidence or intentional?” usisa ni Mama Loi na ang tinutukoy ay ang suot na sapatos nina Maris at Anthony na magkapareho.
“Hindi ko alam, e,” sagot naman ni Ogie. “Kasi uso naman talaga ‘yan, ano. Pero hindi naman natin alam baka binili ng isa ‘yan para…’couple shoes tayo, ha.’”
Negosasyon sa renewal ng It's Showtime sa GMA, pinoproseso na!
Matatandaang kagagaling lang ni Maris sa hiwalayan noong Hulyo sa jowa nitong si Rico Blanco.
MAKI-BALITA: Rico Blanco, Maris Racal hiwalay na!
Pero bago pa man magsulputan ang anomang intriga, nauna nang linawin ni Maris na wala umanong kinalaman si Anthony sa breakup nila ng singer-songwriter.
MAKI-BALITA: Anthony Jennings, walang kinalaman sa hiwalayang Rico-Maris
Kasalukuyan din umanong may non-showbiz girlfriend si Anthony.
