Idineklara bilang unang nominee ng Bayan Muna Partylist si dating congressman Neri Colmenares para sa 2025 midterm elections.
Inanunsyo ito ng Bayan Muna sa ginanap na 10th National Convention sa ika-25 anibersaryo nito nitong Huwebes, Setyembre 26.
Matatandaang nagsilbi si Colmenares na bilang representate ng Bayan Muna Party-list sa Kongreso mula 2007 hanggang 2016.
“Bayan Muna bente-singko, Bayan Muna ipanalo!” ani Colmenares sa kaniyang Facebook post.
Sen. Bong Go, pinakiusapan si Sen. Imee na pagkasunduin muli sina PBBM, VP Sara
Idineklara naman bilang second nominee ng Bayan Muna ang mga dati ring kongresistang sina Carlos Zarate, at Ferdinand Gaite.
Samantala, inendorso naman ng Bayan Muna ang 11 senatorial candidates ng Makabayan Coalition na sina ACT Teachers Party-list Rep. France Castro, Gabriela Women’s Party-list Rep. Arlene Brosas, Kilusang Magbubukid ng Pilipinas Chairperson Danilo Ramos, Kilusang Mayo Uno Secretary General Jerome Adonis, Pamalakaya Vice Chairperson Ronnel Arambulo, Dating Anti-Poverty Czar Liza Maza, Dating Bayan Muna Rep. Teddy Casiño, PISTON National President Mody Floranda, Filipino Nurses United Secretary General Jocelyn Andamo, Kadamay Secretary General Mimi Doringo, at Sandugo Co-Chairperson Amirah Lidasan.
