Nasorpresa ang Kapuso Sparkle artist na si Sandro Muhlach nang bisitahin siya ng kaniyang inang si Edith Millare na bumiyahe pa mula sa Amerika para magdiwang ng kaarawan nito sa Pilipinas kasama sila.
Sa latest Instagram post ni Sandro nitong Lunes, Setyembre 23, ibinahagi niya ang video kung saan matutunghayan ang naging reaksiyon niya sa pagkikita nila ng kaniyang nanay kalakip ang isang madamdaming mensahe.
“Mama, you are the strongest woman I know, and I am so lucky to have you as my mom. Your love and kindness mean more to me than you know,” saad ni Sandro sa caption ng post.
“Thank you for being there for me during one of the hardest times in my life. Your love, care, and presence meant more to me than I can ever fully express. When I felt overwhelmed by my trauma, you were a constant source of strength and comfort,” aniya.
Pagpapakasal dahil lang sa anak, 'di bet ni Janella Salvador
Dagdag pa ng young actor: “I’m still finding my way, but I feel stronger knowing that I have you by my side. I hope you know how much I appreciate everything you’ve done not just during this time, but always.”
Matatandaang nagsampa ng kaso si Sandro laban sa dalawang independent contractors na humalay umano sa kaniya.
Nagsimulang lumutang ang isyung ito nang maglabas ng blind item ang Philippine Entertainment Portal (PEP) tungkol sa baguhang aktor na ginawang “midnight snack” umano ng dalawang TV executives.
MAKI-BALITA: Baguhang aktor, pinagsamantalahan ng dalawang TV executives?
