Nakataas pa rin sa Signal No. 1 ang apat na lugar sa Luzon dahil sa Tropical Depression Gener na patuloy na kumikilos pakanluran sa West Philippine Sea (WPS), ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Martes, Setyembre 17.
Sa tala ng PAGASA, huling namataan ang sentro ng bagyong Gener 235 kilometro ang layo sa West Northwest ng Baguio City.
Taglay nito ang lakas ng hanging aabot sa 55 kilometers per hour malapit sa sentro, at pagbugsong aabot sa 70 kilometers per hour.
Kumikilos ito pakanluran sa bilis na 30 kilometers per hour.
VP Sara, hindi 'isang kaibigan' si PBBM; nagkakilala lang dahil sa eleksyon
Dahil dito, nakataas na sa Signal No. 1 ang mga sumusunod na lugar sa Luzon:
Ilocos Norte
Ilocos Sur
La Union
Western portion ng Pangasinan (Sual, Burgos, Dasol, Mabini, Infanta, Labrador, City of Alaminos, Bani, Bolinao, Anda, Agno)
Inaasahan daw na lalabas ng Philippine Area of Responsibility (PAR) ang bagyong Gener mamayang gabi o bukas ng madaling araw, Miyerkules, Setyembre 18.
