Napanatili ng Tropical Depression Gener ang lakas nito habang kumikilos sa baybayin sa silangan ng Cagayan Valley, ayon sa Philippine Atmospheric, Geophysical and Astronomical Services Administration (PAGASA) dakong 2:00 ng hapon nitong Lunes, Setyembre 16.
Sa tala ng PAGASA, huling namataan ang bagyong Gener 305 kilometro ang layo sa silangan hilagang-silangan ng Casiguran, Aurora o 325 kilometro ang layo sa silangan ng Tuguegarao City, Cagayan.
Taglay nito ang lakas ng hanging aabot sa 55 kilometers per hour malapit sa sentro, at pagbugsong aabot sa 70 kilometers per hour.
Kumikilos ito pa-north northwest sa bilis na 10 kilometers per hour.
‘Mum and I love you!’ PBBM, binati anak na si Simon sa kaarawan nito
Dahil dito, nakataas na sa Signal No. 1 ang mga sumusunod na lugar sa Luzon:
Cagayan kabilang na ang Babuyan Islands
Isabela
Quirino
Nueva Vizcaya
Apayao
Kalinga
Abra
Ifugao
Mountain Province
Benguet
Ilocos Norte
Ilocos Sur
La Union
Pangasinan
Zambales
Tarlac
Nueva Ecija
Aurora
Northern portion ng Quezon (General Nakar, Infanta, Real) kabilang na ang Polillo Islands
Ayon sa PAGASA, inaasahang magla-landfall ang bagyong Gener sa vicinity ng Isabela o Aurora sa susunod na 24 oras, at posibleng baybayin ang coastal waters ng La Union o Pangasinan bukas ng umaga, Martes, Setyembre 17.
“The tropical cyclone will then move west southwestward over the West Philippine Sea tomorrow before turning generally northwestward by Wednesday (18 September),” anang weather bureau.
Posible namang lumabas ng Philippine Area of Responsibility (PAR) ang bagyo sa pagitan ng Martes ng gabi o sa Miyerkules ng umaga, Setyembre 18.
