Itinaas na sa Signal No. 1 ang 19 lugar sa Luzon dahil sa Tropical Depression Gener na bahagyang lumakas, ayon sa Philippine Atmospheric, Geophysical and Astronomical Services Administration (PAGASA) dakong 11:00 ng umaga nitong Lunes, Setyembre 16.
Sa tala ng PAGASA, huling namataan ang bagyong Gener 325 kilometro ang layo sa East Northeast ng Casiguran, Aurora.
Taglay nito ang lakas ng hanging aabot sa 55 kilometers per hour malapit sa sentro, at pagbugsong aabot sa 70 kilometers per hour. Mabagal itong kumikilos pa-west southwest.
Dahil dito, nakataas na sa Signal No. 1 ang mga sumusunod na lugar sa Luzon:
VP Sara, hindi 'isang kaibigan' si PBBM; nagkakilala lang dahil sa eleksyon
Cagayan kabilang na ang Babuyan Islands
Isabela
Quirino
Nueva Vizcaya
Apayao
Kalinga
Abra
Ifugao
Mountain Province
Benguet
Ilocos Norte
Ilocos Sur
La Union
Pangasinan
Zambales
Tarlac
Nueva Ecija
Aurora
Northern portion ng Quezon (General Nakar, Infanta, Real) kabilang na ang Polillo Islands
Ayon sa PAGASA, inaasahang magla-landfall ang bagyong Gener sa vicinity ng Isabela o Aurora sa susunod na 24 oras, at saka nito babaybayin ang coastal waters ng La Union o Pangasinan bukas ng umaga, Martes, Setyembre 17.
Posible namang lumabas ng Philippine Area of Responsibility (PAR) ang bagyo sa pagitan ng Martes ng gabi o sa Miyerkules ng umaga, Setyembre 18.
