Inirekomenda ng Department of Justice (DOJ) na sampahan na ng kasong qualified human trafficking si dismissed Bamban, Tarlac mayor Alice Guo.
Sa ulat ng GMA News, pinakakasuhan din umano ng DOJ ang Chinese business partners ni Guo na sina Huang Zhiyang, Zhang Ruijin, Lin Baoying. Kasama rin daw sa pagkaso si dating TLRC official Dennis Cunanan.
Matatandaang noong Setyembre 4 nang maaresto ng mga awtoridad ng Indonesia si Guo at naibalik ng bansa noong Setyembre 6.
BASAHIN: Dismissed Bamban, Tarlac Mayor Alice Guo, arestado na!
'For the first time in 20 years!' BIR, nakakolekta ng ₱2.8T sa taong 2024
Idinadawit ang pinatalsik na alkalde sa ilang mga kaso tulad ng pagkasangkot umano niya sa Philippine Offshore Gaming Operators (POGOs), bago siya tumakas ng bansa at magtungo sa Malaysia, Singapore, at panghuli nga ay sa Indonesia.
Nito lamang namang Biyernes nang i-transfer si Guo mula sa korte ng Capas, Tarlac patungo sa korte ng Valenzuela City.
