Dalawang lotto winner mula sa Laguna ang kumubra ng napanalunan nilang milyon-milyong Lotto 6/42 jackpot prize na binola noong Agosto 15 at Agosto 22, 2024.
Ayon sa PCSO, ang unang winner ay isang retired civil servant na halos isang dekada nang tumataya sa lotto. Kinubra ng lalaki ang ₱19,630,380.00 mula sa Lotto 6/42. Ang winning combination na 21-11-30-16-19-03 ay ang birth dates ng kaniyang kapamilya.
Nabili ng lone bettor, na nanalo noong Agosto 15, ang kaniyang ticket sa San Pablo, Laguna.
Gener, patuloy na kumikilos pakanluran sa WPS; 4 lugar sa Luzon, Signal No. 1 pa rin
Samantala, kinubra na rin ng second winner na isang babaeng private sector employee ang napanalunan niyang ₱9,045,796.60 sa Lotto 6/42 na binola noong Agosto 22.
Katulad ng first winner, ang winning combination din niya ay galing sa birth dates ng kaniyang kapamilya na 06-24-25-28-02-16.
Nabili naman ng second winner ang kaniyang winning ticket sa Calamba, Laguna.
Ang Lotto 6/42 ay binobola kada Martes, Huwebes, at Sabado.
