Dahil kay Enteng: Signal No. 1, itinaas na sa ilang bahagi ng Luzon, Visayas

By Mary Joy Salcedo

September 01, 2024

In BALITA National

Itinaas na ang Signal No. 1 sa ilang mga lugar sa Luzon at Visayas dahil sa bagyong Enteng, ayon sa Philippine Atmospheric, Geophysical and Astronomical Services Administration (PAGASA) nitong Linggo, Setyembre 1.

Sa tala ng PAGASA kaninang 11:00 ng umaga, huling namataan ang tropical depression Enteng 120 kilometro ang layo sa North Northeast ng Borongan City, Eastern Samar o 150 kilometro ang layo sa silangan ng Catarman, Northern Samar.

Taglay nito ang lakas ng hanging aabot sa 45 kilometers per hour, at pagbugsong aabot sa 55 kilometers per hour.

Kumikilos ang bagyo pa north northwest sa bilis na 30 kilometers per hour.

Dahil dito, itinaas sa Signal No. 1 ang mga sumusunod na lugar:

Luzon:

Eastern portion ng Camarines Sur (Presentacion, Garchitorena, Caramoan, Calabanga, Naga City, Pili, Bombon, Magarao, Ocampo, Baao, Nabua, Bula, Balatan, Bato, Milaor, Minalabac, Camaligan, Saglay, Iriga City, Buhi, Tigaon, San Jose, Goa, Siruma, Tinambac, Lagonoy, Canaman, Gainza, San Fernando)

Catanduanes

Albay

Sorsogon

Burias Island

Ticao Island

Visayas

Northern Samar

Samar

Eastern Samar

Biliran

Northeastern portion ng Leyte (Babatngon, San Miguel, Tacloban City, Alangalang, Santa Fe, Palo, Barugo)

Ayon sa PAGASA, inaasahang kikilos ang bagyo pa-northwestward hanggang north northwestward ngayong Linggo, habang unti-unti pang lalakas.

“A landfall and passage over the localities in Bicol Region-Eastern Visayas area is not ruled out within the next 48 hours. Furthermore, this tropical depression may reach tropical storm category by tomorrow,” ana” anang PAGASA.

OVP, nagpaliwanag hinggil sa 'casual meeting' nina VP Sara at Ex-VP Leni sa Naga

“She neither looked desperate nor distressed.”Naglabas ng pahayag ang Office of the Vice President (OVP) hinggil sa napabalitang binisita ni Vice President Sara Duterte si dating Vice President Leni Robredo sa Naga City.Ayon sa OVP, inimbitahan si Duterte ng isang kaibigan sa Bicol upang dumalo sa centennial anniversary mass ng Canonical Coronation of Our Lady of Peñafrancia nitong Biyernes,...

Guanzon, tinanong sino si Ben Tulfo: 'What has he done for the country?'

May tanong si dating Commission on Elections (Comelec) commissioner Rowena Guanzon tungkol sa broadcaster na si Ben Tulfo.Sa kaniyang X post nitong Biyernes, Setyembre 20, tinanong ni Guanzon kung sino ba umano si Tulfo at ano ang nagawa niya para sa bansa.“Teka who is Ben Tulfo? What has he done for the country? Enlighten me,” ani Guanzon sa kaniyang post.Ang naturang post ni Guanzon ay...

VP Sara Duterte, binisita si Ex-VP Leni Robredo sa Naga

Binisita ni Vice President Sara Duterte si dating Vice President Leni Robredo sa bahay nito sa Naga City.Kinumpirma ito ng dating spokesperson ni Robredo na si Atty. Barry Gutierrez sa ABS-CBN News nitong Biyernes, Setyembre 20.Ayon kay Gutierrez, “personal” at “hindi politikal” ang naging pag-uusap nina Duterte at Robredo.'VP Sara visited former VP Leni at her house. VP Leni learned...