Dumalaw ngayong araw ng Martes, Agosto 27, si two-time Olympic gold medalist at Filipino gymnast Carlos Yulo sa ABS-CBN upang dalawin ang mga "Kapamilya."
Mainit na sinalubong si Carlos ng mga Kapamilya staff at empleyado nang dumating siya sa ABS-CBN compound. Dumiretso si Yulo sa ABS-CBN Newsroom.
Nagsadya si Caloy sa ABS-CBN kasama ang pangulo ng Gymnastics Association of the Philippines (GAP) na si Cynthia Carrion, para sa ilang TV guestings.
Sinalubong din siya ng ABS-CBN executives na sina ABS-CBN Chairman Mark Lopez, ABS-CBN CEO and President Carlo Katigbak, at ABS-CBN COO for Broadcast na si Cory Vidanes.
JC De Vera, na-offend sa 'biro' ni Alex Gonzaga
Isa sa mga sumorpresa sa kaniya si "FPJ's Batang Quiapo" lead star at direktor na si Coco Martin.
"Puwede pa-picture po?" hirit ni Carlos kay Coco na pinaunlakan naman ng huli.
Hirit tuloy ng mga netizen, sana raw ay mag-guest o magkaroon ng cameo role si Carlos sa nabanggit na action-drama series.
Napapaisip tuloy ang mga netizen kung papasukin na rin ba ni Carlos ang pag-aartista.
Nauna nang bumisita si Caloy sa GMA Network, isang araw matapos ang pagbabalik-Pilipinas nilang mga Filipino Olympians.
