Naglabas ng pahayag si Senate Spokesperson Arnel Jose Bañas kaugnay sa kapatid ni dismissed Bamban, Tarlac Mayor Alice Guo na si Sheila at kaibigan nitong si Cassandra Li Ong.
Sa nasabing pahayag nitong Biyernes, Agosto 23, nakasaad doon na tiniyak umano ng National Bureau of Investigation (NBI) ang pagsipot nina Guo at Ong sa senate hearing sa darating na Martes, Agosto 27.
“Senate Sergeant-at-Arms Roberto Ancan said the National Bureau of Investigation (NBI) has assured the Senate that the duo will be made available for the hearings and will be responsible for bringing them to and from the Senate. Guo and Ong will be turned over to the Senate after the inquest proceedings,” pahayag ng Senado.
Dagdag pa nila: “The Senate is looking forward to their presence in the proceedings. The hearings will provide an opportunity for Guo and Ong to present their statement and contribute to the ongoing discussions and investigation.”
Romina, patuloy na kumikilos patungong Southern Kalayaan Islands
Pangungunahan umano nina Senador Aquilino Pimentel III, Senador Risa Hontiveros, at Senador Raffy Tulfo ang nasabing pagdinig.
Matatandaang matapos mahuli sa Indonesia ay nakabalik na umano sa Pilipinas sina Guo at Ong noong Huwebes ng hapon, Agosto 22.
MAKI-BALITA: Mga kasama ni Alice Guo na nahuli sa Indonesia, nakabalik na sa 'Pinas!
