Chloe San Jose, may pa-dinner sa pamilya niya at pamilya ni Carlos Yulo?-Balita

Nabanggit umano ni Gymnastics Association of the Philippines President Cynthia Carrion sa panayam ng DWIZ na may inihahandang dinner si Chloe San Jose, partner ni two-time Olympic gold medalist at Pinoy pride gymnast Carlos Yulo, para sa pagkakaayos ng kaniyang pamilya at pamilya ng jowa.

Kinumpirma mismo ni Carrion ang tungkol sa umano'y balak ni Chloe na mapagsama-sama ang pamilya nila ng partner upang maayos na ang mga naganap na gusot sa kanilang pagitan.

Matatandaang nalagay sa kontrobersya ang dapat sana'y pagbubunyi ng bansa para sa record-breaking at makasaysayang panalo ni Yulo sa floor exercise at vault ng men's artistic gymnastics sa nagdaang 2024 Paris Olympics, dahil sa posts ng ina ni Caloy na si Angelica Yulo, laban sa anak at sa partner nito.

Lalo pang tumindi ang bangayan sa pagitan ng mag-ina nang pumalag si Chloe sa pamamagitan ng cryptic post, at magsalita sila ni Caloy sa TikTok Live. Kinabukasan, nagsalita naman ang ina ng atleta sa pamamagitan ng press conference kasama ang abogadong si Atty. Raymond Fortun.

MAKI-BALITA: Angelica Yulo sa pagpuna sa jowa ng anak: 'Ina lang ako na nag-aalala'

Nakabalik na si Caloy sa bansa subalit wala pang balita ng pagkakaayos nila ng ina at ng partner.

Nag-alok na rin si dating Ilocos Sur governor Luis "Chavit" Singson ng ₱5M para kay Carlos para lamang sa pagkakaayos nila ng ina kasama si Chloe.

"Hon. Luis 'Chavit' Singson pledges a ₱5 million reward to two-time Olympic champion Carlos Yulo and his family, hoping to foster unity within the family after their personal disputes were publicly shared and debated on various social media platforms."

"Chavit, known for his strong commitment to family values, mentions that the reward is not only for Yulo's momentous achievements but also for the unity of Yulo's family and his partner."

"Chavit hopes that this reward will inspire others to cherish and support their loved ones, even in times of great endeavors and significant sacrifice," mababasa pa rito.

MAKI-BALITA: Chavit may pa-₱5M kay Carlos Yulo para sa unity ng pamilya at jowa

Samantala, wala pang kumpirmasyon mula mismo kay Chloe o Caloy tungkol dito.

Pusa hinagis sa dagat para sa content; dalawang menor de edad, timbog

Matapos mag-viral at umani ng mga negatibong reaksiyon ang video ng isang pusang inihagis sa dagat, tuluyang nasakote ng pulisya ang dalawang menor de edad na siyang nasa likod ng nasabing video.Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content ay inasistahan din ng isa...

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...