Manibela, magkakasa ulit ng 3-day transport strike ngayong Agosto!

By Mary Ann Santiago

August 08, 2024

In BALITA National

Magsasagawa ulit ng tatlong araw na transport strike sa susunod na linggo ang transport group na Manibela.

Ito ay matapos ibasura ni Pangulong Bongbong Marcos, Jr. ang resolusyon ng Senado na nagrerekomenda ng pansamantalang suspensiyon sa Public Utility Vehicle Modernization Program (PUVMP) o Public Transport Modernization Program (PTMP).

Sa isang pulong balitaan nitong Huwebes, inanunsiyo ni Manibela president Mar Valbuena ang pagkakasa nila ng tigil-pasada mula Agosto 14-16, na natapat sa mga araw ng Miyerkules hanggang Biyernes.

“Sa susunod na linggo, magkakasa kami ng mga kilos protesta o kung hindi man, mga transport strike simula sa Miyerkules, Huwebes, at Biyernes sa susunod na linggo,” pahayag pa ni Manibela.

Dagdag pa niya, “Hindi po kami nananakot. Sa susunod na Miyerkules kung wala pong malinaw na direktiba galing Malacañang, Department of Transportation, o Land Transportation Franchising and Regulatory Board, kung papaano itong minorya na natitira, strike po kami.”

Matatandaang kamakailan ay nagpalabas ang Senado ng resolusyon na nagrerekomenda sa temporary suspension ng PUVMP na tinututulan naman ng mga transport cooperatives na tumalima sa programa.

Hindi rin naman pinaburan ng pangulo ang resolusyon na nilagdaan ng 22 senador, at sa halip ay nanindigan sa kanyang suporta sa naturang modernization program.

Bagyong 'Bebinca' nakapasok na ng PAR, tinawag nang 'Ferdie'

Nakapasok na ng Philippine area of responsibility (PAR) ang Tropical Storm Bebinca, at tinawag na ito sa local name na “Ferdie”, ayon sa Philippine Atmospheric, Geophysical and Astronomical Services Administration (PAGASA) nitong Biyernes ng gabi, Setyembre 13.Sa advisory ng PAGASA, nakapasok ng PAR ang Tropical Storm Ferdie dakong 6:00 ng gabi.Ito ang ikaanim na bagyo sa bansa sa taong...

Quimbo sa rekomendasyong tapyasan proposed budget ng OVP: 'Trabaho lang po!'

Iginiit ni Committee Senior Vice Chairperson at Marikina City 2nd district Rep. Stella Quimbo na ginagawa lamang ng House Committee on Appropriations ang kanilang trabaho matapos irekomendang tapyasan ng ₱1.29 bilyon ang panukalang budget ng Office of the Vice President (OVP).Matatandaang nitong Huwebes, Setyembre 12, nang ianunsyo ni Quimbo na inirekomenda ng House Committee on Appropriations...

DOH, nagbabala vs. imported Mpox vaccines

Binalaan ng Department of Health (DOH) nitong Biyernes ang publiko laban sa isang uri ng imported mpox vaccine na available na umano sa bansa.Ayon sa DOH, nakarating sa kanilang kaalaman ang ulat na may organisasyon o mga indibidwal ang nag-aalok ng naturang imported mpox vaccines.Babala naman ng DOH, ang mga naturang bakuna ay ipinasok sa bansa nang hindi dumadaan sa kanilang ahensiya at maging...