OVP, saludo kay Carlos Yulo: 'Mabuhay ang mga atletang Pinoy!'

By Mary Joy Salcedo

August 04, 2024

In BALITA National

Nagpaabot ng pagbati ang opisina ni Vice President Sara Duterte kay Filipino gymnast Carlos Yulo na nakapag-uwi ng gintong medalya sa Paris Olympics 2024.

Sa isang Facebook post, ipinahayag ng Office of the Vice President (OVP) na saludo sila sa makasaysayang Olympic gold medal ni Yulo sa larangan ng artistic gymnastics.

“Ipinapaabot ng [OVP] ang taos-pusong pagbati kay Carlos Edriel Yulo para sa kanyang makasaysayang pagkamit ng kauna-unahang Gold medal ng Pilipinas sa larangan ng Artistic Gymnastics sa Paris 2024 Olympics,” anang OVP.

“Mabuhay ka, Caloy! Mabuhay ang mga atletang Pilipino! ” dagdag nito.

Matatandaang nitong Sabado, Agosto 3, nang magbunyi ang mga Pilipino matapos masungkit ni Yulo ang kauna-unahang ginto sa 2024 Paris Olympics nang manguna siya sa floor exercise ng men's artistic gymnastics sa puntos na 15.000.

Si Yulo ang ikalawang Pilipinong nakapagkamit ng gintong medalya sa kasaysayan ng Olympics, una si Hidilyn Diaz na nanalo sa weightlifting noong 2020 Tokyo Olympics.

Kaugnay ng kaniyang makasaysayang tagumpay, inihayag ng Kamara na pagkakalooban nila ng ₱3 milyon si Yulo bilang pagkilala sa kaniyang naging makasaysayang tagumpay.

MAKI-BALITA: Carlos Yulo, makatatanggap ng P3M mula sa Kamara

Mayroon ding lifetime free buffet si Yulo mula sa Vikings Luxury Buffet restaurant.

MAKI-BALITA: Lifetime free buffet, ipinagkaloob kay Carlos Yulo

Narito pa ang mga “ginintuang premyo” na naghihintay sa Pinoy champ na si Yulo:

BASAHIN: Bukod sa medalya: Nag-uumapaw na 'ginintuang premyo,' naghihintay kay Carlos Yulo

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...