HULAAN: Magkano nga ba ang proposed travel budget ni PBBM sa 2025?

By Nicole Therise Marcelo

August 01, 2024

In BALITA National

Ayon sa Department of Budget and Management (DBM), bumaba ng walong porsyento ang proposed travel budget ni Pangulong Bongbong Marcos sa 2025. Sa tingin mo magkano kaya ang proposed travel budget ng pangulo?

Nitong Huwebes, Agosto 1, sinabi ni DBM Secretary Amenah Pangandaman na iminungkahi ng Office of the President (OP) ang panukalang ₱1.054-billion budget para sa travel expenses ng pangulo sa fiscal year 2025, kung saan bumaba raw ito ng walong porsyento.

Ngayong 2024, nasa ₱1.148 billion ang travel budget ng pangulo.

“It is 94 million or eight percent decrease compared to 1.148 billion allocations in the 2024 General Appropriations Act. Bumaba po siya ng eight percent," ani Pangandaman.

“Kung makikita po natin dito sa proposal nila siguro may nabawasan po silang travel both local and foreign," dagdag pa niya.

Gayunpaman, tiniyak pa rin niya na ang administrasyong Marcos ay nakatuon pa rin sa pag-market sa Pilipinas bilang isang investment destination.

“Parang na-explain ko naman po dati together also with DTI and kami rin po sa economic team – we still continue to go out and parang kumbaga we market the Philippines as an investment destination – tuluy-tuloy po iyan," paliwanag pa niya.

Sa kabuuan, ang inimungkahing budget ng OP para sa 2025 ay aabot sa ₱10.446 billion, kabilang na ang confidential funds na ₱2.250 billion, at intelligence funds na ₱2.310 billion.

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...