Nagbigay na ng pahayag ang Kapuso star na si Jennylyn Mercado kaugnay sa lumulutang na kuwento na lilipat na umano siya ng ibang network.
Sa ulat ng Philippine Entertainment Portal (PEP) nitong Huwebes, Hulyo 18, sinabi umano ni Jennylyn na nananatili umano siyang Kapuso kahit hindi pa siya pumipirma ng kontrata sa GMA.
“Palagi naman akong Kapuso. Ang daming nag-aantay nung sagot [...] Ako naman, 20 years na po akong Kapuso, and I’m very thankful na hanggang ngayon po ay Kapuso pa rin,” saad ni Jennylyn.
"We’re just waiting for the contract, pero happy pa rin akong Kapuso [...] Basta ganito, kung gusto pa rin nila akong Kapuso, happy pa rin akong maging Kapuso,” wika niya.
Pagpapakasal dahil lang sa anak, 'di bet ni Janella Salvador
Paglilinaw pa niya: “Wala pong offer sa ibang network.”
Matatandaang nauna nang nagbigay ng pahayag ang manager ni Jennylyn kaugnay sa napababalitang paglayas ng alaga sa GMA Network at posibilidad na lumipat ng ibang TV network.
MAKI-BALITA: Manager, nagsalita sa isyu ng network transfer ni Jennylyn Mercado
Bukod dito, inispluk din ni showbiz insider Ogie Diaz ang nakarating umano sa kaniyang tsika na hindi raw totoo ang bali-balitang susulutin ng ABS-CBN si Jennylyn mula sa home network nito.
MAKI-BALITA: Jennylyn Mercado, 'di susulutin ng ABS-CBN
