Isiniwalat ng mga dating “Can’t Buy Me Love” star na sina Maris Racal at Anthony Jennings kung kailan nila nalaman na bagay ang tambalan nila on-screen.
Sa latest episode kasi ng “Bida/Bida” ng Netflix kamakailan, inusisa sina Maris at Anthony ni Barbie Forteza na kapuwa nila guest sa naturang show tungkol sa chemistry nilang dalawa.
“Kailan n’yo nalaman na ‘ay, parang bagay tayo on-screen?’ Eksena ba? Or kunwari ‘yong camaraderie n’yo na parang ‘ay, swak tayo?’” tanong ni Barbie.
“Feeling ko, after naming ma-shoot ‘yong mga first few scene namin together,” saad ni Maris.
Kilig sa pagniniig: Alden at Sanya may 'digmaan' daw sa stock room
“Alam ko ‘yong do’n sa binuhat kita, e,” segunda ni Anthony na sinang-ayunan naman ng on-screen partner niya.
Pero ayon kina Maris at Anthony, hindi raw nila agad pinag-usapan ang tungkol sa bagay na ito pagkatapos nilang i-shoot ang naturang eksena.
“Kasi we’re way ahead sa kung ano ‘yong ini-air, e. So, we didn’t know ano ‘yong magiging reaksiyon ng mga tao. We didn’t expect na gano’n ‘yong gravity ng mga scenes namin,” paliwanag ni Maris.
Dagdag pa niya: “So, parang do’n ko na-realize na ‘Oh, my gosh. Mayro’n ‘ata talaga kaming something,”
“Parang do’n ko naramdaman na may kilig kami. Parang kinilig ka sa eksena,” saad naman ni Anthony.
Matatandaang nangibabaw ang tambalan ng dalawa sa “Can’t Buy Me Love” dahil sa nakakaaliw at nakakakilig na eksena nila.
In fact, binansagan na ngang “SnoRene” ang loveteam nila. Kombinasyon ng pangalan ng kanilang character na sina “Snoop” at “Irene.”
MAKI-BALITA: ‘Sapaw sa DonBelle?’ Chemistry nina Maris at Anthony, bet ng netizens
Samantala, noong Hulyo 12, inanunsiyo ni Maris sa isang press conference ang breakup nila ng real-life boyfriend niyang si Rico Blanco.
MAKI-BALITA: Rico Blanco, Maris Racal hiwalay na!
Gayunman, nilinaw na agad ni Maris na walang kinalaman si Anthony sa hiwalayan nila ng jowa niyang singer-songwriter.
MAKI-BALITA: Anthony Jennings, walang kinalaman sa hiwalayang Rico-Maris
