Matapos mahuli isang akusado: Pinagtataguan nina Quiboloy, lumiliit na -- Abalos

By Mary Joy Salcedo

July 12, 2024

In BALITA National

Ipinahayag ni Department of the Interior and Local Government (DILG) Secretary Benhur Abalos na lumiliit na ang mga lugar na pinagtataguan nina Pastor Apollo Quiboloy matapos mahuli ng mga awtoridad ang isa nitong kapwa-akusado.

Sa isang press conference nitong Biyernes, Hulyo 12, inanunsyo ni Abalos na naaresto na ang isang kapwa-wanted ni Quiboloy sa kasong qualified human trafficking at child abuse na kinilalang si Paulene Canada nitong Huwebes, Hulyo 11, dakong 1:00 ng hapon, sa bisa ng isang warrant of arrest.

MAKI-BALITA: Isang kapwa-wanted ni Quiboloy, arestado na!

Kaugnay nito, iginiit ni Abalos na hindi sila titigil para mahuli na rin si Quiboloy at apat na iba pa nitong umano’y kapwa-akusado.

"Lumiliit na ho ang mga pinagtataguan ninyo. Lumiliit na ang mga lugar na ito dahil hindi ho titigil ang kapulisan, ang military, ang buong pwersa ng gobyerno para kayo ay dakipin,” anang DILG chief.

"Please, kung talagang wala kayong kasalanan, sumuko na kayo. Ganoon lang po kasimple ito," dagdag pa niya.

Matatandaang kamakailan lamang ay hinamon din ni Abalos si Quiboloy na kung talagang wala raw itong kasalanan ay sumuko ito at patunayan sa korte.

MAKI-BALITA: Abalos, hinamon si Quiboloy: 'Wala kang kasalanan? Sumuko ka!'

Sinabi ito ni Abalos matapos niyang ianunsyong bibigyan ng ₱10 milyong pabuya ang sinumang makapagbibigay ng impormasyong magiging dahilan ng pagka-aresto kay Quiboloy.

Samantala, isang milyon naman ang pabuya sa mga bawat kapwa-akusado ni Quiboloy, kabilang na si Paulene Canada.

MAKI-BALITA: P10M pabuya, ibibigay sa makapagtuturo kay Quiboloy -- Abalos

'Huwag na sana natin palakihin pa!' Kiko, nag-react sa pagkikita nina VP Sara, Leni

Nagbigay ng reaksiyon si dating senador at vice presidential candidate Atty. Kiko Pangilinan sa pinag-usapang pagbisita ni Vice President Sara Duterte sa tahanan ni dating Vice President Leni Robredo sa kapistahan ng Our Lady of Peñafrancia sa Naga City, Camarines Sur na naganap kamakailan.MAKI-BALITA: VP Sara Duterte, binisita si Ex-VP Leni Robredo sa NagaAyon kay Kiko, noon pa mang nabubuhay...

Mark Andrew Yulo, inimbitahan ni Sen. Bong Go sa PBA game

Ibinahagi ng tatay ni two-time Olympic gold medalist Carlos Yulo na si Mark Andrew Yulo ang ilang mga larawan ng pagtatagpo nila ni Sen. Bong Go sa naganap na PBA game sa Ninoy Aquino Stadium. Ayon sa simpleng Facebook post ni Yulo noong Setyembre 20, nagpasalamat siya sa senador sa imbitasyon nito sa kaniyang manood ng PBA game. Batay sa hashtag ay mukhang maka-Ginebra team ang tatay ni...

PBBM, naiilang kapag pinapasalamatan sa ibinibigay na serbisyo: 'Hindi ko pera 'yan!'

Nagbigay ng reaksiyon si Pangulong Ferdinand “Bongbong” Marcos, Jr. sa birthday message ng isang netizen para sa kaniya.Sa latest vlog kasi ng pangulo nitong Linggo, Setyembre 22, ay tampok ang mga birthday greet na natanggap niya mula sa iba’t ibang ospital.At kasama sa mga naitampok ay ang komento ng isang netizen tungkol sa mga programa ng pangulo sa healthcare ng bansa. “Still...