Isiniwalat ni Senador Win Gatchalian na hindi lumaki sa farm at hindi rin homeshooled ni Teacher Rubilyn si suspended Bamban, Tarlac Mayor Alice Guo dahil nag-aral daw ito sa isang paaralan.
"Apparently si Guo Hua Ping or si Alice Guo [ay] hindi lumaki sa farm. Hindi rin siya homeschooled. Nag-aral siya. Nag-aral siya sa parehas kong school, sa Grace Christian High School for Grades 1, 2, and 3. Year 2000 to 2003," pagsisiwalat ni Gatchalian sa pagpapatuloy ng pagdinig ng Senate Committee on Women, Children, Family Relations and Gender Equality nitong Miyerkules, Hulyo 10.
"Hindi siya homeschooled ni Rubilyn. Nag-aral po talaga siya. And natatandaan ko sa school po namin, wala pong farm po doon puro building," dagdag pa ni Gatchalian habang ipinapakita ang umano'y school record ni Guo.
Dagdag pa ng senador, ang Alien Birth Certificate of Registration na ipinasa ni Guo sa paaralan ay tugma sa dokumentong hawak ng Bureau of Immigration (BI).
De Lima sa paggamit ng Duterte sa People Power: 'Galit sa mga aktibista pero gusto magpa-rally'
"And in that enrollment document, interestingly, mayroon ding birth certificate galing sa China na trinanslate sa English. So nakasulat dito na father niya si Guo Jian Zhong na alam na po natin at ang mother niya ay si Wen Yi Lin," ani Gatchalian.
Matatandaang sa isinagawang pagdinig ng Senate Committee on Women, Children, Family Relations and Gender Equality noong May 22, paulit-ulit na lahad ni Guo na siya ay lumaki sa farm dahil itinago siya ng kaniyang ama. Kasama niya raw lumaki ang mga kasamahan niya sa farm at siya ay homeschool lang. Ang teacher niya raw ay may ngalang “Teacher Rubilyn.”
BASAHIN: Alice Guo, childhood dream maging mayor
Kaugnay na Balita: 'Teacher Rubilyn' ni Mayor Alice Guo, trending; hinahanap ng netizens
