Palarong Pambansa, patunay ng pagtindig ng DepEd sa mga estudyante -- VP Sara-Balita

Palarong Pambansa, patunay ng pagtindig ng DepEd sa mga estudyante -- VP Sara

Ipinahayag ni outgoing Department of Education (DepEd) Secretary at Vice President Sara Duterte na ang Palarong Pambansa 2024 ay isang patunay ng paninindigan at dedikasyon ng DepEd para sa mga mag-aaral.

Sa isang pahayag nitong Martes, Hulyo 9, sinabi ni Duterte na ang Palarong Pambansa ay isang tradisyon ng DepEd na “may malalim at makabuluhang papel sa paglinang ng ating mga mag-aaral at paghahanda para sa mas malalaking kompetisyon sa buhay.”

“Kasabay ng pagbubukas ng Palarong Pambansa 2024 sa Cebu City ngayong araw ay ang aking dasal at hangarin para sa tagumpay ng ating mga layunin na maisulong ang akma, napapanahon, at dekalidad na edukasyon para sa mga kabataang Pilipino,” pahayag ni Duterte.

“Ang Palarong Pambansa 2024 ay nagpapatunay sa paninindigan at dedikasyon ng DepEd para sa ating mga mag-aaral. Kinikilala din natin ang iba’t ibang mga sektor na tumulong sa DepEd para muli nating maisagawa ito ngayong taon,” dagdag niya.

Nagpasalamat din ang DepEd chief sa lahat ng mga bahagi ng Palarong Pambansa 2024 lalo na raw sa Cebu City, at sa mga lokal na pamahalaan sa Cebu at maging sa buong bansa.

“Sa ating mga atleta, dito ay hindi kayo uuwing talo — dahil ang inyong partisipasyon sa ating mga kompetisyon ay isa nang tagumpay para sa bawat isa sa inyo,” ani Duterte.

“Baunin sana ninyo ang mga leksyon ng pakikipagkaibigan, disiplina, pagpupursige, at katatagan para sa katuparan ng inyong mga pangarap,” saad pa niya.

Matatandaang noong Hunyo 19, 2024 nang ianunsyo ni Duterte ang kaniyang pagbibitiw bilang kalihim ng DepEd.

MAKI-BALITA: VP Sara sa pagbibitiw bilang DepEd Secretary: ‘Hindi lulan ng kahinaan’

Matapos ito, noong Hulyo 2, 2024 naman nang ianunsyo ng pamahalaan ang pagtalaga kay Senador Sonny Angara bilang bagong DepEd chief.

MAKI-BALITA: Sen. Sonny Angara, itinalaga bilang bagong DepEd secretary

Inaasahang magsisimula papalitan si Duterte ni Angara sa DepEd sa darating na Hulyo 19, 2024.

KAUGNAY NA BALITA: Matapos magbitiw bilang kalihim: VP Sara, tutok sa pag-turn over ng DepEd

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...

Palarong Pambansa, patunay ng pagtindig ng DepEd sa mga estudyante -- VP Sara

Palarong Pambansa, patunay ng pagtindig ng DepEd sa mga estudyante -- VP Sara

Inirerekomendang balita

Empleyadong lasing, patay matapos sapakin ng ginising na katrabaho

Romina, patuloy na kumikilos patungong Southern Kalayaan Islands

Romina, napanatili ang lakas habang kumikilos patungong Southern Kalayaan Islands

Features

Opinyon