Nasolo ng lucky bettor mula sa Romblon ang tumataginting na ₱17.5 milyong jackpot prize ng Mega Lotto 6/45 na binola ng PCSO nitong Lunes ng gabi, Hulyo 8.
Nauna nang na-BALITA, na matagumpay na nahulaan ng lone bettor ang winning numbers na 36-25-19-37-07-11 na may premyong ₱17,567,700.60.
BASAHIN: ₱17.5M Mega Lotto jackpot, nasolo!
Ayon sa PCSO, nabili ng lone bettor ang kaniyang ticket sa Odiongan, Romblon
UP, top university pa rin sa Pinas; Iba pang paaralan sa bansa, pasok sa Asian ranking!
Kung taga-Romblon ka at ikaw ang lucky winner, magtungo lamang sa punong tanggapan ng PCSO sa Mandaluyong City at iprinsinta ang kanyang winning ticket at dalawang valid IDs.
Ang lahat ng premyong hindi makukubra sa loob ng isang taon, mula sa petsa nang pagbola dito ay awtomatikong mapo-forfeit at mapupunta sa kawanggawa.
Ang lahat naman ng premyong lampas ng ₱10,000 ay papatawan ng 20% tax, sa ilalim ng Tax Reform for Acceleration and Inclusion (TRAIN) law.
Samantala, walang nanalo sa Grand Lotto 6/55 na ang winning numbers ay 34-22-46-43-33-28 at may katumbas na ₱82,749,085.40 jackpot prize.
Ang Mega Lotto 6/45 ay binubola tuwing Lunes, Miyerkules at Biyernes. Tuwing Lunes, Miyerkules, at Sabado naman ang Grand Lotto 6/55.
