Finally, nameet na ng content creator at businesswoman na si Rosmar Tan ang tunay at dating aktor na si Jiro Manio.
Ibinahagi ito ng broadcast journalist na si Julius Babao sa kaniyang YouTube Channel na "Julius Babao Unplugged." Sa tulong ni Julius nagkita na nga ang dalawa.
Parehong masaya sina Jiro at Rosmar sa pagkikitang iyon na may pa-house tour pa ang huli.
Matatandaang fake na Jiro ang humingi ng tulong kay Rosmar sa pamamagitan ng Messenger para magkatrabaho sa business nito.
Bea, Julia, at Kim may 'common denominator' daw sa pagiging calendar girl
Ibinahagi naman ni Rosmar ang convo nila sa Facebook na kalaunan ay binura din.
Umugong na fake Jiro pala ang nakipag-usap kay Rosmar dahil na rin sa isiniwalat ng showbiz columnist and entertainment vlogger na si Ogie Diaz.
Nang tanungin nina Julius at Rosmar si Jiro kung tatanggapin ba nito ang alok na trabaho, sinabi ng award-winning actor na hindi dahil bukod sa malayo ay nagbabantay raw ito ng tindahan nila at sa mga taong nasa bahay nila.
Hangad daw ni Rosmar na makabalik sa showbiz si Jiro. Ani Jiro, depende pa rin daw dahil bawal daw itong ma-stress at until now nagti-take pa rin daw ito ng medicine at ayaw na raw nitong bumalik sa dating sakit.
Thankful si Rosmar na nagkita na sila ni Jiro. Kaya naman binigyan niya ito ng ₱50,000 worth of Rosmar products na puwedeng ibenta ni Jiro sa tindahan nila plus sa panimula ng negosyo ay binigyan din niya ito ng ₱10,000. Nahiya si Jiro pero aminado itong wala raw sa plano ang ganitong blessings na dumating sa kanya mula kay Rosmar.
Nagpasalamat naman si Jiro sa mga blessings na inihandog sa kanya ni Rosmar. Nakatutuwang nagpasalamat pa si Jiro sa hacker dahil nga kung hindi raw sa hacker hindi niya matatamo itong blessings at hindi niya mamemeet ng personal si Rosmar. Payo ni Rosmar kay Jiro, subukan maging influencer.
MAKI-BALITA: 'Jiro Manio' binubudol si Rosmar Tan
