Escudero sa RTWPB: 'Bakit nga ba palaging kulang ang binibigay na umento?'

By Nicole Therise Marcelo

July 03, 2024

In BALITA National

Kinuwestiyon ni Senate President Chiz Escudero ang Regional Tripartite Wages and Productivity Board (RTWPB) dahil palagi raw kulang ang ibinibigay nitong umento sa sahod.

"Bakit nga ba palaging kulang ang binibigay na umento ng RTWPB? Ni minsan ay hindi pa sila tumama mula nang nilikha ang ahensyang 'yan. Saan ba sila bumibili ng bigas? Nag-grocery? Nag-palengke? Pa-share naman kamo kasi baka sobrang mura dun at kasya ang dagdag na ₱35 sa sahod na binigay nila," sabi ni Escudero nitong Martes, Hulyo 2.

Para kasi sa senate president, kulang at malayong matugunan ng dagdag ₱35 ang tunay na pangangailangan ng mga Pilipino dahil nahaharap ngayon ang bansa sa mataas ng presyo ng bilihin.

"Maliwanag na kulang at malayo na matugunan ang tunay na mga pangangailangan ng ating mga kababayan sa gitna ng mataas na presyo ng bilihin," dagdag pa niya.

BASAHIN: Dahil mataas presyo ng bilihin: ₱35 umento sa sahod sa NCR, kulang—Escudero

Sa naturang pagtaas ng minimum wage, magiging ₱645 ang sahod ng mga non-agriculture workers sa pribadong sektor, habang ₱608 naman sa agriculture workers, sa service and retail establishments na may 15 o mas mababang bilang ng manggagawa, at manufacturing establishments na hindi tataas sa 10 manggagawa.

BASAHIN: Minimum wage sa NCR, ₱645 na!

Petisyong kanselahin birth certificate ni Alice Guo, inihain ng OSG

Pormal nang inihain ng Office of the Solicitor General (OSG) sa Tarlac City Regional Trial Court ang petisyong kanselahin ang birth certificate ni suspended Bamban, Tarlac Mayor Alice Guo.Base sa ulat ng Manila Bulletin, inihain ng OSG, sa ngalan ng Philippine Statistics Authority (PSA), ang petisyon ng pagkansela ng certificate of live birth (COLB) ni Guo nitong Biyernes, Hulyo 5.Inihayag ng OSG...

Go sa isinampang kaso ni Trillanes sa kanila ni FPRRD: 'Our conscience is clear'

Itinanggi ni Senador Bong Go na may katotohanan ang tungkol sa kasong plunder at graft na inihain ni Senador Antonio Trillanes IV laban sa kanila ni dating Pangulong Rodrigo Duterte.Matatandaang nitong Biyernes, Hulyo 5, nang maghain si Trillanes ng plunder at graft complaints laban kina Go at Duterte sa Department of Justice (DOJ) kaugnay ng umano’y anomalya sa kabuuang ₱6.6 billion...

PBBM, inatasan si Angara na alagaan mga guro: 'Make sure they are in good place'

Inatasan ni Pangulong Ferdinand “Bongbong” Marcos Jr. si incoming Department of Education (DepEd) Secretary Sonny Angara na alagaan at siguruhin ang kapakanan ng mga guro upang mas mapagtuunan daw ng mga ito ang kanilang pagtuturo sa mga estudyante.Sa panayam ng mga mamamahayag nitong Biyernes, Hulyo 5, na inulat ng Manila Bulletin, sinabi ni Marcos na ang pag-aalaga sa mga guro, kasama na sa...