Hindi nakapagtimpi si "Face To Face" season 2 host Karla Estrada sa isang "paladesisyong" netizen na nagkomento sa kaniyang Facebook post patungkol sa iniisyung pinagbibili niyang dream house na regalo umano sa kaniya ng anak na si Daniel Padilla.
Sa kaniyang mahabang Facebook post kalakip ang screenshot ng ulat na may headline na "Karla Estrada and Daniel Padilla Are Selling Their Two-Story Family Home for P50 Million," nagsabi si Karla ng kaniyang sentimyento patungkol sa patuloy na pag-ukilkil sa nabanggit na isyu.
"Pasensya na at tatapusin na natin ang tungkol sa bahay ko at tigilan na ang pag post ng bahay ko kasama ang kami ng mga anak ko."
"Nakakatuwa naman ang Preview.ph at may panahon pa na ma post ang bahay ko na for sale since 3yrs ago. At hindi lang bahay ko ang may picture pati kami ng nga mga anak ko ha .."
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
"tanong ko lang, ano po ang koneksyon ng picture naming mag iina sa bahay na for sale eh may pangalan ko naman na buo pa nakasulat na may ari ng bahay."
"Ano ba ang dapat talaga pag nag benta ang isang tao ng ari arian nya.. Ipaliwanag ang dahilan ng pag bebenta?"
"Kasama ba sa requirements ng mga broker ang sabihin ang dahilan pag nag papa benta ng properties namin?
"Kailangan nag hihirap na sa buhay agad kaya nagbebenta ng ari arian? Medyo malayo ata sa katotohana yun. Kase masisipag kami sa buhay."
"Kaya may katanungan ako dahil Wala kaseng write UP na maayos para sa post na ito Miss cat Cabral from preview.ph kaya kung ano ano na ang kuro kuro ng mga sawsawero at sawsawera."
"Basta na pinost nyo lang sa wall nyo eh napaka luma na ho at di nyo naman trabaho na ipost yan ng paulit ulit unless broker na ang pahayagan nyo."
"Ok lang kung ipinagtatanggol nyo kami sa nga sawsawero’t sawsawera na walang masabing Matino kse nga puro haka haka lang."
"Mas alam pa nila ang dahilan ng pagbebenta ko ng isa sa mga ari arian namin."
"Tsk tsk .. dami n’yong oras mag bigay ng komento sa buhay ng iba na walang kayong alam ha. Pero check nyo muna baka may mga kapamilya kayo dyan na kumakalam ang sikmura, unahin nyo yun."
Kaya naman, tinuldukan na ni Karla ang tungkol sa umano'y ibinebentang dream house.
"O Eto na Para narin sa latest update about my house , at ng matapos na ang luma nang balitang ito.."
"my house is not for sale anymore. Kaya sa mga panay post dyan hangang ngayon, na mistulang pa broker na kayo, ayan na ang latest. Para updated naman ang posts ninyo. Kung ayaw nyo sa amin Wag nyo kami pag aksayahan ng panahon."
Sa comment section, isang netizen na may pangalang "Liberty" ang nag-iwan ng komento.
"Ms Karla Estrada, you made the right decision not to sell the house that Daniel built for you. That's his first pundar towards being an artista di ba po? Kaya sayang kung ibebenta nyo po. Ok lang naman po na titira kayo sa south area dahil may nabili na kayong bahay dun pero bahay nyo dyan sa Q.C punta puntahan na lang. Andyan lang pati bahay ni Daniel kapitbahay mo. Besides, you have relatives who can take care of your house when you are in your south area home," giit ng netizen.
Sagot ni Karla, "Cge ate ikaw na mag desisyon para sa pamilya namin tutal parang mas alam mo ang aming mga plano. Sus ginoo ko pastilan."
Hindi naman na sumagot ang nabanggit na netizen.
MAKI-BALITA: Karla imbyerna sa magazine, paulit-ulit sa lumang balita tungkol sa dream house
MAKI-BALITA: Banas na si Karla Estrada, may update tungkol sa inisyung dream house
