Isinauli ng isang tagalinis sa Ninoy Aquino International Airport (NAIA) ang isang pares ng medyas na naglalaman ng dollar bills na tinatayang nasa ₱1 milyong piso.
Ayon sa ulat ng ABS-CBN news nitong Huwebes, nawalis umano ni Rosalinda Celero ang medyas mula sa ilalim ng mga upuan sa terminal 3 ngunit hindi niya umano ito agad napansin.
Hinahanap daw ang anak: Lolo na may Alzheimer’s nahulog sa creek, nalunod!
Nang tingnan niya ito, doon niya nakita na may laman itong 202 pirasong dollar bill. Kaya naman agad niyang dinala ang medyas sa o NAIA T3 lost and found section.
Humigit-kumulang ₱1 milyong piso umano ang halaga ng salapi.
Dagdag pa ng ulat, nirereview na ng Manila International Airport Authority (MIAA) ang CCTV upang matunton kung sino ang may-ari ng medyas.
Sa ilalim ng regulasyon ng Bangko Sental, maaari lamang magdala ng hanggang $10,000 ang isang pasahero sa kaniyang hand-carry luggage.
