Hindi lamang sa Smart Araneta Coliseum nagpadagundong si SB19 member at The Voice Generations coach Stell Ajero matapos ang kaniyang makapigil-hiningang performance sa "Hitman David Foster and Friends Asia Tour 2024" concert nitong araw ng Martes, Hunyo 18, kundi maging sa social media platform na X.
Bukod sa kaniyang opening performance at pag-awit ng latest solo debut single na "Room" at "Defying Gravity," umani ng palakpakan at hiyawan ang kaniyang pagbirit sa "All By Myself" na talaga namang nagpadagundong sa buong Araneta.
Puring-puri ng A'Tin o fans ng SB19 si Stell dahil sa kaniyang distinct na tinig at mataas, malawak na vocal range. Biro pa nga ng mga tagahanga, "na-stell" (steal) niya ang spotlight ng show ni David.
Dahil dito ay hindi tuloy naiwasang maikumpara ang naging performance niya sa standing ovation na performance noon ni Charice, na Jake Zyrus na ngayon.
Rampapayag kaya? Michelle Dee hinihiritang sumali sa Miss Grand International 2025
May mga nagsasabi pang baka si Stell na ang "next Charice" o Filipino artist na susunod sa yapak niya noon at makikilala rin sa buong mundo matapos makasama at maka-collab ang mga international artists gaya ni David Foster.
MAKI-BALITA: Next Charice? Stell ng SB19, ‘na-stell’ ang spotlight sa concert ni David Foster
Hindi tuloy maiwasan ng mga netizen na balikan ang ilang clips ng pag-awit noon ni Charice sa concert ni David. Anila, nakaka-miss tuloy ang mga perfomances ni Charice lalo't manghang-mangha rin naman talaga sa kaniya si David, kaya nga tinawag siyang "most talented girl in the world."
Pero para sa nakararami, "incomparable" ang dalawa dahil magaling ang female version ni Charice, magaling din ang male version ni Stell ng nabanggit na awitin.
"Grabe ito na yata 'yong tatapat sa galing ni Charice noon sa concert na 'yan."
"Nakaka-miss naman si Charice!"
"Okay, okay... si Charice sa female version (noong babae pa si Jake), at si Stell naman ang male version. The best versions!"
"Wala na tayong magagawa kundi balikan na lang mga clips ni Charice. Pero masasabi ko itong kay Stell, tumapat sa iconic na galing na 'yon."
"after charice’s iconic rendition of 'All By Myself,' yours is my next favorite. you really did an amazing job! galing sobra! 🙌"
Sa kaniyang X post naman ay nagpasalamat si Stell sa mga natatanggap na magagandang feedback sa kaniyang naging performance.
"Thank you Lord, the best ka po talaga. 😭," aniya.
Kaya naman, binalikan ng mga netizen ang old video clips ng pagkanta ni Charice ng nabanggit na awitin.
