Nagbigay ng kanilang reaksiyon at komento ang mga netizen sa isang larawan ng aktres na si Charo Santos-Concio kasama ang beteranang aktres na si Eva Darren, na hindi tinawag sa entablado bilang presenter sa Filipino 72nd Academy of Movie Arts and Sciences (FAMAS) Awards dahil sa rason na hindi raw siya ma-locate o mahanap ng staff.
Kaya ang ipinalit sa kaniya ay ang singer na si Sheena Palad na ang agenda ng gabing iyon ay magbigay ng performance sa dinner time.
Pero nang lapitan daw siya ng isang staff para pakiusapang magbasa ng awards kasama si Tirso Cruz III, kahit hindi handa ay pumayag naman si Sheena. Sa kaniyang inilabas na clarificatory video sa social media kasama ang jowang si Johann Enriquez, na isa sa hosts ng awards night, sinabi ni Sheena na sana ay itigil na ang pamba-bash sa kaniya dahil wala talaga siyang alam na ang pinalitan niya pala sa pabor na hiniling sa kaniya ay si Eva Darren. Sumunod lamang aniya siya sa instructions.
MAKI-BALITA: ‘Young singer’ na ipinalit kay Eva Darren sa FAMAS, nagsalita na
Sue Ramirez, inurirat sa viral pictures nila ni Dominic Roque
Going back kay Charon, nakita ng mga netizen ang larawan ng una kay Eva habang nakaupo ang huli sa kaniyang assigned table, kasama ang mga kaibigang sina Divina Valencia at Marissa Delgado.
"An exchange of kamustahans and hugs with my dear friends and co-actors in FAMAS. 🥰" caption ni Charo sa kaniyang Instagram post.
View this post on Instagram
Makikita sa post ang mga larawan ni Charo kasama sina Pilar Pilapil, Divina Valencia, Marissa Delgado, Efren Reyes, Jr., Nova Villa, Dante Rivero, at panghuli nga ay kay Eva.
Kaya sabi tuloy ng mga netizen, mabuti pa raw si Charo ay natagpuan ang mesang kinalulugaran ng batikang aktres.
"Buti pa si madam charo natagpuan si madam eva"
"Si Madam Charo lang po nakakaalam kung nasaan si Miss Eva 🤫"
"Everyone saw Eva Daren except FAMAS organization."
"bakit na hanap ni Mam Charo si Ms. Eva ang Famas staff hindi ahahha"
"Madam Charo- naalala si Miss Eva✅ , yung FAMAS Hindi nila naalala si Miss Eva❌"
MAKI-BALITA: Batikang aktres na si Eva Darren, ‘binastos’ sa FAMAS?
Samantala, naglabas ng pahayag ang Aktor – League of Filipino Actors kaugnay sa isyu.
MAKI-BALITA: League of Filipino actors, suportado si Eva Darren
