Ibinahagi ng Kapamilya actor na si Sam Milby ang surprise party sa kaniya ng isang clinic para sa pagdiriwang ng kaniyang 40th birthday.
May 23, 2024 ang kaarawan ni Sam ngunit ang tungkol sa party ay inupload niya sa Instagram account nitong araw ng Sabado, Mayo 25.
"Extremely thankful," caption ni Sam, kalakip ang ilang mga kuhang larawan mula sa Nice Print Photo.
May isang larawan pa nga na makikitang kasama niya ang mga kapwa artistang sina Gerald Anderson, Marc Solis, Sancho delas Alas, at Michael De Mesa. Siyempre, ilan pang malalapit sa kaniya.
Ai Ai Delas Alas, Gerald Sibayan split na nga ba?
Ngunit kapansin-pansing wala sa kahit na anumang larawan si Miss Universe 2018 Catriona Gray na girlfriend ni Sam.
View this post on Instagram
Kaya ang isang netizen, bagama't hindi naman hinanap si Cat, nagbigay na lamang ng birthday wish kay Sam na sana ay matagpuan niya ang "right one."
"Happy birthday ! 🎉 Sabi nga nila wonderful things happen to wonderful people, kaya pls be patient while God is preparing the right woman for you. 🙏 The right one who will stay with you during life's toughest times. In the meantime time, we'll pray that you will heal fast, as fast as Cat is," saad ng netizen.
Isang netizen naman ang napatanong tuloy, "Wala na po ba tlga Sila ni cat? 🥺"
Walang tumugon sa tanong na ito ng netizen.
Ang iba naman ay nagbigay ng pagbati at nagpahayag ng kanilang pagmamahal at suporta sa aktor.
"Happy 40th birthday❤️ sana you parin and catriona❤️❤️❤️" sey pa ng isa.
Matatandaang kinumpirma ng Cornerstone Entertainment management, ang talent agency na humahawak sa parehong career nina Sam at Catriona, ang mga kumalat na tsika at balita patungkol sa relasyon at kasal ng engaged couple.
MAKI-BALITA: Cornerstone Management, nagsalita na sa isyu ng Catriona-Sam break-up
Nagbunyi naman ang kanilang fans nang muli silang masilayang magkasama sa birthday party ng Cornerstone head na si Erickson Raymundo noong Abril, sa Sta. Rita, Pampanga.
MAKI-BALITA: Catriona at Sam, ‘nilalanggam’ na ulit; tuloy na kasal?
Ngunit nitong Mayo, napabalita ang pagbura ni Catriona sa engagement photo nila ni Sam.
MAKI-BALITA: ANYARE?! Catriona, dinelete engagement photo nila ni Sam Milby
Habang isinusulat ang artikulong ito ay wala pang updates kung matutuloy pa ba ang kasalan o hindi na.
Samantala, wala pang tugon, reaksiyon, o pahayag ang kampo nina Sam at Catriona patungkol dito.
