Kinilala bilang Movie Actor of the Year si “Asia’s Multimedia Star” Alden Richards sa ginanap na 5th VP Choice Awards.
Sa ulat ng GMA Integrated News nitong Miyerkules, Mayo 22, nakamit umano ni Alden ang naturang parangal dahil sa natatangi niyang pagganap bilang “Lance” sa “Five Breakups and a Romance” noong 2023.
Bukod dito, tinanggap din daw ng aktor ang TV Station of the Year award para sa home network niyang GMA Network.
Tila bumabaha talaga ng blessings sa buhay ni Alden dahil sa sunod-sunod na magagandang nangyayari sa career niya bilang artista.
Raquel niyabang katotohanan; 'All By Myself' ni Charice, di pa nahihigitan
Matatandaang kinilala rin siya bilang “Box-Office King” sa nagbabalik na “Box Office Entertainment Awards” na ginanap noong Mayo 12 sa Henry Lee Irwin Theater ng Ateneo De Manila University.
MAKI-BALITA: KathDen, kinilalang ‘Box-Office’ King at Queen; Julia Montes, dinedma?
Samantala, kinumpirma naman nitong Linggo, Mayo 19, ang sequel ng pelikula nila ni “Outstanding Asian Star” Kathryn Bernardo na “Hello, Love, Goodbye.”
MAKI-BALITA: Sequel ng ‘Hello, Love, Goodbye’ kinumpirma na
Pagbati, Alden!
