Nilinaw ng Kapuso actor-director na si Xian Lim ang kumalat na tsikang nagpaluto muna siya ng steak sa ex-girlfriend na si Kim Chiu bago ito hiwalayan.

Sa panayam ng isang lokal na pahayagan online (Inquirer), inilarawan ni Xian ang alingasngas na ito bilang "absurd."

Aniya pa, dagdag-bawas na raw ang kuwento at fake news. Nabanggit din ni Xian na hindi raw siya ang nag-initiate ng break-up.

Nakiusap pa raw siya kay Kim na kung puwedeng maglabas sila ng joint statement tungkol sa hiwalayan subalit tumanggi raw ang ex-girlfriend dahil kasagsagan ito ng launching ng kanilang serye (Linlang Teleserye version o kaya What's Wrong with Secretary Kim).

Matatandaang unang umusbong ang tsika tungkol sa steak sa entertainment vlog ni Ogie Diaz na "Ogie Diaz Showbiz Update."

Ani Ogie, nag-request daw muna ng paborito niyang steak si Xian kay Kim, at habang kumakain na sila, doon na sinabi ni Xian ang tungkol sa break-up.

MAKI-BALITA: Nag-request na lutuan siya: Xian, hiniwalayan si Kim habang kumakain ng steak?

Samantala, wala pang tugon, reaksiyon, o pahayag si Kim tungkol sa isyu.