Aminado si Boss Toyo ng “Pinoy Pawnstars” na noong ‘walang-wala’ pa siya ay tumataya raw siya sa lotto at nagbabakasakaling manalo para maging mayaman.
Ibinahagi ni Boss Toyo ang naturang karanasan sa kaniyang Facebook post nitong Huwebes, Mayo 2 nang i-anunsyo niya sa publiko na magkakaroon sila ng proyekto ng Philippine Charity Sweepstakes Office (PCSO) at PTV.
Jude Bacalso, nanindigang valid complaint pagtawag ng 'Sir' sa kaniya ng waiter
“Alam n’yo ba dati no’ng wala pa ako lagi ako [tumataya] sa lotto kasi ‘yon naman talaga [ang] easiest way para yumaman eh lalo na kapag nasa laylayan ka, lagi kang [may] pangrap na sana manalo ng lotto para makaahon sa hirap,” saad niya.
Kuwento pa niya, kahit tumataya siya sa lotto sinasamahan pa rin daw niya ng sipag.
“Kaya ako kahit sinasamahan ko ng sipag [tumataya] pa rin ako kasi naniniwala pa rin ako na mananalo ako medyo nag-iba nga lang ang pananaw, kasi sabi ko dati tumama lang ako ng 5 [milyon] nasa isip ko no’n mayaman na mayaman na ako, which is hindi pala kasi [nandoon] na ako sa buhay na hindi man nanalo ng lotto pero dahil nagsipag ako parang tumama na rin ako [sa lotto],” pahayag pa niya.
Nabanggit din ni Boss Toyo na mayroon siyang proyekto kasama ang PCSO at PTV. Katunayan nga, mapapanood na ang Pinoy Pawnstars sa PTV sa Mayo 17, 5:15 PM hanggang 5:45 PM.
