Hindi lang basta rice kundi "motivational rice" ang sasandukin ni Rendon Labador sa paresan ng negosyanteng si Rosmar Tan.
Sa Facebook post ni Rosmar nitong Biyernes, inispluk niya na magsasandok ng motivational rice si Rendon sa bagong branch ng paresan niya sa Tagaytay sa May 5.
Regine, 'di na kering makipagsabayan sa mga batang singer: 'It's no longer my time'
“HAHAHA ayan na nga si Rendon Labador ester Labrador ay Labador ang [magsasandok] ng motivational rice [ninyo] sa R Mansion Tagaytay Resort sa May 5, 10 AM opening,” sey ni Rosmar.
Biro pa niya, “HAHAHA yari ka sa asawa ko.”
Matatandaang nag-viral noong nakaraang taon ang “motivational rice” ni Rendon dahil maraming netizens ang napakamot ng ulo dahil sa presyo ng single serving ng kaniyang kanin sa kaniyang restaurant noon.
BASAHIN: Presyo ng kanin sa resto ni Rendon Labador, ikinaloka ng netizens!
Binigyang-diin naman ni Rendon na ang kaniyang motivational rice ay simbolo raw ng mga taong lumalaban at hindi sumusuko sa buhay.
Aniya, “Motivational Rice! Pilitin mong umangat sa buhay hanggang sa ma-afford mo. This is not to discriminate pero ito ay simbolo ng mga taong lumalaban at hindi sumusuko sa buhay.
BASAHIN: ‘Motivational Rice’ ni Rendon, simbolo raw ng taong ‘di sumusuko sa buhay
Samantala, mukhang okay na nga rin sina Rosmar at Rendon dahil nakatakda ngang pumunta ang huli sa paresan ng una.
Noong nakaraang taon din kasi, nag-react si Rendon matapos isiwalat ni Rosmar kung magkano ang kinikita niya araw-araw.
“Patunay na hindi talaga nabibili ng pera ang katangahan,” saad niya.
BASAHIN: Rendon, nag-react sa pag-flex ni Rosmar ng kita
Kaya naman pinasaringan ni Rosmar si Rendon.
“Pasensya na kayo kung tumatahol yung labrador ko. Panay motivational rice kasi kinakain walang nutrisyong nakukuha. Paano ayaw ng dog food,” sey niya.
“Kakawala lang ng FB mo ayan ka na naman. Ako naman ngayon trip mo. Di mo alam mas malakas ang super powers ko. Alam niyo na dapat gawin,” dagdag pa niya.
BASAHIN: ‘Aw, aw?’ Rosmar Tan, humingi ng pasensya sa ‘labrador’ na tumatahol
Bilang buwelta, ipinagmalaki ni Rendon na isa lamang siyang simpleng tao.
“Hindi ako mayaman at hindi din ako pulitiko. Si Rendon Labador ay isang simpleng tao lang at ang kaya ko lang ipagmalaki sa inyong lahat ay ang pagiging totoong tao sa harap ninyo,” aniya.
Maki-Balita: Rendon Labador, simpleng tao lang daw: ‘Ramdam ko kayo’
Bukod dito, may pinatutsadahang “mayabang” na CEO si Rendon, na hindi naman niya pinangalanan.
“DAPAT TULARAN! Buti pa si Miss Glenda hindi mayabang,” sey ni Rendon. “Dapat siyang tularan ng mga nagkalat ngayon sa socmed na mga CEO, na naka hawak lang ng pera sumobra na ang pagyayabang.”
“Mag bago na kayo! kasi si Rendon Labador nga nag bago na… ikaw pa kaya? SINO KA BA???” patutsada pa ng social media personality.
BASAHIN: Rendon, pinuri si Miss Glenda; may patutsada sa isang CEO
Pero, ayon nga, mukhang okay naman na ngayon ang dalawa. "Lablab" nga ika ni Rendon.
