Napansin ng mga netizen na fina-follow na ulit ni Miss Universe Philippines 2023 Michelle Marquez Dee ang Instagram account ni Atty. Oliver Moeller, ang searchee na napili niya matapos sumalang sa "EXpecially For You" ng "It's Showtime."
MAKI-BALITA: Michelle Dee, inunfollow raw si Atty. Oliver Moeller at binura ang pic kasama siya
Matatandaang kamakailan lamang ay napabalitang inunfollow ni MMD ang Instagram account ni Atty. Oliver, Cebu-based lawyer, na talaga namang naging instant celebrity dahil daw sa pagiging "total package" nito, bukod pa sa may anggulong mala-Piolo Pascual ito.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Bukod kasi sa kaniya, shini-ship ng mga netizen ang abogado kay Kim Chiu. Tsika ring isa sa mga dahilan kung bakit sumali sa segment ang abogado ay sa pag-aakalang si Kimmy ang mauupong searcher, pero nag-back out ito kaya pinalitan ni MMD.
Natatanong din ang abogado kung totoo ba ang tsikang bago pa ang pagsali sa segment ay talagang crush na nito si Kim, at balak nitong ligawan ang ngayo'y single na at ex-girlfriend ni Kapuso actor Xian Lim.
MAKI-BALITA: Atty. Oliver Moeller naurirat kung papasok sa showbiz, nililigawan si Kim Chiu
Nang mag-guest co-host naman si MMD sa Showtime kamakailan, natanong siya ni Jhong Hilario kung kumusta naman ang naging date nila ni Atty.
"Secret!" nasabi na lang ni Michelle habang may makahulugang pag-awra sa camera.
MAKI-BALITA: Michelle Dee, inurirat kung kumusta date nila ni Atty. Oliver Moeller
Usap-usapan ang naging hirit niya sa EXpecially For You segment kung saan hindi na siya searcher kundi guest co-host na.
"Kung ako nasa posisyon niya dito ako tatayo," ani MMD at nagpunta sa katabing puwesto ng searchee number 3.
"Sasabihin ko, 'Ay pag nakita kong may fini-flirt ka, thank you, next... hindi dapat ako option," ani Michelle habang naglalakad pabalik sa center.
Segunda naman ni Vice Ganda, "Oo thank you, next... gano'n!"
MAKI-BALITA: ‘Hindi dapat ako option!’ Michelle, nagpasapul kay Atty. Oliver?
MAKI-BALITA: Atty. Oliver Moeller di pa man nag-aartista, bina-bash na?
Hinala ng mga netizen, patama niya ito kay Atty. Oliver.
Samantala, wala pang reaksiyon, pahayag, o paliwanag si MMD tungkol dito.
