Nakorner ni ABS-CBN showbiz news reporter MJ Felipe ang instant celebrity at Cebu-based lawyer na si Atty. Oliver Moeller kung tuluyan na ba nitong papasukin ang showbiz industry, at kung nililigawan na ba niya si "It's Showtime" host Kim Chiu.
Si Atty. Oliver ang searchee sa segment na "EXpecially For You" na napili ni Miss Universe Philippines 2023 Michelle Marquez Dee, sa unang araw ng pag-ere ng noontime show sa GMA Network.
Bukod kay MMD, tinukso-tukso rin si Oliver kay Kim dahil pareho silang taga-Cebu.
Sa episode ng Showtime nitong Martes, Abril 16, naispatan ang abogado sa studio ng noontime show at inurirat ng hosts kung sino ang binibisita niya.
'Sarap sa pakiramdam!' Kiray mahal na mahal, never niloko ng jowa
"Parang may binibisita siya rito," ani Vhong Navarro.
"Oo, naku si Kim Chiu yata binibisita," diretsahang hirit ni Vice Ganda.
Kitang-kita namang tila "kinilig" si Kim Chiu at kumaway pa kay Atty. Oliver.
"Bakit ka nagbalik?" muling untag ni Vice Ganda.
Sagot ng abogado, "Ah... just wanted to meet some people lang here."
"Ah, some people," hirit ni Vice.
Sundot na tanong ni Vhong, may partikular bang tao na nais niyang makita?
"Maybe..." aniya.
Sa panayam naman sa kaniya ni ABS-CBN showbiz news reporter MJ Felipe, sinabi nitong hindi pa siya sanay sa mga atensyong natatanggap niya mula sa mga tao. Pati raw ang videos niya ng pagwo-work out na naka-upload sa social media platforms niya ay pinagpipiyestahan ng mga tao.
Nang matanong siya kung handa ba siyang pasukin ang showbiz, "I'm actually considering it. That's part of the reason why I'm here."
Sunod na tanong ni MJ, "Is is true that you had a crush on Kim (Chiu) prior to guesting sa It's Showtime?"
"Ah... I've always thought Kim was such a pretty person, you know she's from Cebu, so yeah I mean, I guess you could say that," sagot niya.
Segunda pa ni MJ, "Are you courting Kim?"
"Ahm, I don't think it's fair that I speak about that without Kim's permission, so, I'm so sorry I hope you understand, but Kim is pretty nice," tugon ni Atty. Oliver.
Pero hindi pa nagpaawat si MJ at inurirat pa nang mas espesipiko ang abogado.
"So siya ba ang binisita mo talaga rito sa Showtime?"
"Ah... I'm here to meet everyone," tugon nito.
Anyway, abangan na lang ang susunod na mga kabanata kung ano ang unang proyekto ni Atty. Oliver kung sakaling pasukin na rin niya ang pag-aartista.
MAKI-BALITA: Trending lawyer, bumisita ng ‘It’s Showtime’ para kay Kim Chiu?
