
(PNA File Photo)
₱67M Super Lotto jackpot, mapapanalunan ngayong gabi
Tinatayang umaabot sa ₱67 milyong jackpot ang posibleng mapanalunan sa 6/49 Super Lotto draw ngayong Huwebes ng gabi.
Ipinaliwanag ng Philippine Charity Sweepstakes Office (PCSO), nadagdagan ang ₱62,599,859.00 jackpot nang hindi tamaan nitong Marso 19.
Hindi nahulaan sa naturang draw ang winning combination na 42-44-09-07-16-49.
Sinabi ng PCSO, huling napanalunan ang jackpot na ₱640.6 milyon nitong Enero 16. Nabili ng nasabing mananaya ang winning ticket sa Rizal Avenue lotto outlet sa Maynila.
Ang Super Lotto ay binobola kada Martes, Huwebes, at Linggo.